Jeŭrapiejskija lidary byli ahałomšanyja vynikami razmovy Pucina i Trampa — Axios
Tramp nie tolki nie atrymaŭ ad Pucina vyraznaj zhody na spynieńnie ahniu, ale i admoviŭsia ŭvodzić novyja sankcyi suprać Rasii.
Paśla razmovy z rasijskim prezidentam jon pravioŭ hrupavuju razmovu z prezidentam Ukrainy Uładzimiram Zialenskim i kiraŭnikami Hiermanii, Francyi, Italii, Finlandyi i Jeŭrakamisii, piša Axios sa spasyłkaj na krynicy.
Jany spadziavalisia pačuć, što ŭ razmovie z Trampam Pucin pahadziŭsia na spynieńnie ahniu abo što ZŠA prymuć sankcyi za admovu heta zrabić.
Adnak Tramp paviedamiŭ, što Pucin tolki na słovach pahadziŭsia na dalejšyja pieramovy, u jakich ZŠA ŭdzielničać nie buduć. Pry hetym prezident ZŠA vystupiŭ suprać idei ŭviadzieńnia novych sankcyj na dadzieny momant. Heta infarmacyja była paćvierdžana dvuma krynicami, jakija prysutničali padčas razmovy jeŭrapiejcaŭ z Trampam, i treciaj krynicaj, znajomaj z hetaj razmovaj.
«Tramp stvaryŭ uražańnie, što jon nabližajecca da poŭnaha adchodu ad hetaha pytańnia (novych sankcyj). Niekatoryja lidary, jakija brali ŭdzieł u razmovie, vyhladali «ździŭlenymi» abo «šakiravanymi», — piša vydańnie z spasyłkaj na słovy svaich infarmataraŭ.
Kali Tramp paviedamiŭ jeŭrapiejskim lidaram, što Pucin prosta pahadziŭsia pačać abmierkavańnie ŭmoŭ spynieńnia ahniu, na linii na niekalki siekund zapanavała ździŭlenaja ciša, raspaviadaje krynica. Pa słovach krynic, jeŭrapiejskija lidary prama spytali Trampa pra mahčymaść sankcyj ZŠA suprać Rasii, ale toj skazaŭ, što nie ličyć heta dobraj idejaj, i padkreśliŭ, što, na jaho dumku, Pucin choča damovy.
Pa słovach krynicy, prezident ZŠA zapeŭniŭ jeŭrapiejcaŭ, što Pucin paabiacaŭ pradstavić «mirny miemarandum» sa svaimi ŭmovami adnosna spynieńnia ahniu i spynieńnia vajny. Pry hetym Tramp adznačyŭ, što jon paprasiŭ Pucina pradstavić «niešta, z čym ludzi mohuć pahadzicca», a nie prapanovu, jakuju budzie nieadkładna adchilena.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod22
Kamientary
Svoj los trea brać u svaje ruki.
Heta jakija lidary? Jakija kuplajuć u Rasiei haz, tym samym finansujučy ŭ tym liku i rasiejskuju armiju?