«My nie dazvolim Rasii ŭbić klin pamiž nami». Mierc adpraviŭ tankavuju bryhadu bundeśviera ŭ Litvu
Fiederalny kancler Hiermanii Frydrych Mierc upieršyniu naviedaŭ uschodni fłanh NATA. U Vilni jon razam ź ministram abarony Barysam Pistoryusam uziaŭ udzieł u cyrymonii ŭvodu ŭ stroj niamieckaj tankavaj bryhady, jakaja ŭ pierśpiektyvie pavinna dasiahnuć kolkaści ŭ piać tysiač čałaviek, piša Bild.
«Darahija litoŭcy, vy možacie raźličvać na Hiermaniju i našych sałdat. My nie dazvolim Rasii ŭbić klin pamiž nami», — zajaviŭ Mierc.
Stvareńnie bryhady ŭ Litvie atrymała asablivaje značeńnie paśla «razvarotu» Donalda Trampa, jaki daŭ zrazumieć, što ZŠA bolš nie buduć nastojvać na spynieńni ahniu va Ukrainie.
«Novaja niamieckaja tankavaja bryhada ŭ Litvie — heta vyraznaje papiaredžańnie rasijskamu dyktataru Pucinu: Jeŭropa adzinaja», — skazaŭ u razmovie z BILD premjer-ministr ziamli Hiesen Borys Rajn.
Adnak padrychtoŭka bryhady supravadžajecca šeraham prablem. Pakul što ŭ Litvie raźmieščany tolki 800 vajskoŭcaŭ, a dla poŭnaj kamplektacyi nieabchodna jašče bolš za 4000 śpiecyjalistaŭ. Mierc miarkuje, što Hiermanija ŭkładziecca ŭ terminy — bryhada pavinna być całkam hatovaja da 2027 hoda.
Dla Litvy prysutnaść niamieckich vojskaŭ maje asablivaje značeńnie. Armija krainy naličvaje ŭsiaho 15 tysiač čałaviek, uklučajučy pryzyŭnikoŭ, i pry hetym vajna va Ukrainie ŭ Vilni ŭsprymajecca jak pramaja pahroza.
Ciapier čytajuć
Siarhiej Cichanoŭski pierabraŭsia žyć u Łos-Andželes18
Kamientary
- 5 000 mahčymaja niem bryhada
- 15 000 armija Litva
Itoho
20 000 vajskovych biez vajennaha dośviedu. Vajna v Ukrainie užo pradamastravała nie efiektyŭnaść tankaŭ na poli boju, ich moža źniščyć zvyčajny fpv dron. Tut voś jakoje pytańnie: - A kolki tysiač dronaŭ jość u Litvie, i kolki ŭ ich vojsku dranavodaŭ?
Kaniešnie, pakul idzie heta vajna, Litva moža być pakojna, ale ž kali ŭ vosień jana skončycca, miljonaja armija RF moža stać nie vyrašalnaj prablemaj.