Pasta z tuncom

U italjanskaj pasty — tysiačy varyjacyj, i ŭsie jany vielmi smačnyja. Ale ci kaštavali vy pastu z tuncom? Blašanka ryby, pačak makarony i jašče niekalki składnikaŭ — i vy atrymajecie idealnuju letniuju viačeru, nasyčanuju białkami i vuhlavodami.

Fota: Rob Palmer

Varyjant 1: Limonnaja pasta z tuncom

Spatrebicca:

• 375 h spahieci
• 1/3 šklanki kiedravych arechaŭ
• 1 blašanka (425 h) tuncu ŭ vadzie (adcedžanaha, razabranaha na kavałački)
• 2 stałovyja łyžki aliŭkavaha aleju
• 3 čajnyja łyžki drobna naciortaj cedry limona
• 1/4 šklanki limonnaha soku
• 1/3 šklanki bujna narezanaj śviežaj piatruški (liście)
• cedra limona — dla padačy

Jak hatavać:

1. Zvarycie makaronu ŭ vialikaj kastruli z padsolenym kipniem zhodna ź instrukcyjaj na pakunku, da hatoŭnaści. Adcadzicie.

2. Tym časam padsušycie kiedravyja arechi na patelni na siarednim ahni 1—2 chviliny, pakul jany nie stanuć załacistaha koleru.

3. U miscy źmiašajcie tuniec, aliŭkavy alej, cedru limona, limonny sok, piatrušku, kiedravyja arechi i hatovuju pastu. Pasalicie i papierčycie. Dobra pieramiašajcie. Padavajcie z dadatkovaj limonnaj cedraj źvierchu.

Varyjant druhi: Pasta z tuncom i aliŭkami

Spatrebicca:

• 150 h makarony (dobra pasujuć piory), zvaranaj zhodna ź instrukcyjaj na pakunku
• 100 h alivak, narezanych
• 100 h kansiervavanaha tunca, adcedžanaha
• 50 h ciortaha parmiezanu
• 2 stałovyja łyžki aliŭkavaha aleju
• 1 stałovaja łyžka narezanaj listavoj piatruški

Jak hatavać:

Źmiašajcie haračuju makaronu ź inšymi inhredyjentami (ciapło ad makarony sahreje inšyja kampanienty, i vy atrymajecie ciopłuju pastu). Padavajcie.

Varyjant treci: Spahieci z tuncom i zialonym aliŭkavym piesta

Spatrebicca:

• 2 šklanki słaba ŭtrambavanych listoŭ piatruški
• 1/2 šklanki zialonych alivak biez kostačak 
• krychu bolš za 1/4 šklanki smažanaha niesalonaha abo źlohku salonaha mindalu
• 1/4 šklanki + 2 stałovyja łyžki aliŭkavaha aleju 
• 2 čajnyja łyžki cedry limona (možna dadać jašče dla padačy)
• 1 maleńki zubčyk časnaku
• 1/2 čajnaj łyžki sušanaha čyrvonaha piercu (čyli)
• 225 h suchich spahieci
• 1 blašanka (200 h) tuncu, adcedžanaha

Jak hatavać:

Piesta:

U kambajn pakładzicie piatrušku, aliŭki, mindal, aliŭkavy alej, cedru, časnok i pierac. Pieramialicie ŭsio da ŭtvareńnia hustoj pasty z kavałačkami (prykładna 15—20 siekund).

Makarona:

Zvarycie spahieci ŭ vialikaj kolkaści padsolenaj kipiačaj vady zhodna ź instrukcyjaj. Adcadzicie i pierakładzicie ŭ siervirovačnuju misku. Dadajcie tuniec i źmiašajcie ź piesta, kab makarona była dobra pakryta sousam.

Padavajcie stravu ciopłaj abo pakajovaj tempieratury, pry žadańni pasypcie dadatkovaj limonnaj cedraj.

Kamientary da artykuła