Maksim Znak uvajšoŭ u šort-list premii Centra Havieła
Žury štohadovaj premii «Parušeńnie spakoju», jakoj hanarujecca advažny piśmieńnik u niebiaśpiecy, abviaściła karotki śpis naminantaŭ, siarod jakich apynuŭsia advakat i litaratar Maksim Znak. Premiju arhanizuje Centr Vacłava Havieła, paviedamlaje Biełaruski PEN.
Premija adznačaje aŭtaraŭ vydatnych tvoraŭ mastackaj litaratury, litaraturnaj publicystyki, bijahrafij, miemuaraŭ, dramaturhii abo paezii, jakija prajaŭlajuć advažnaść u inšadumstvie i zaznajuć niespraviadlivy pieraśled za abaronu demakratyi i pravoŭ čałavieka.
Maksim Znak letaś užo traplaŭ u karotki śpis premii. Sioleta aprača biełarusa ŭ šort-liście jašče try čałavieki: Kamieł Daud (Ałžyr), Majkieł Asorba (Kuba) i Pinar Sielek (Turcyja).
U 2021 hodzie hetuju premiju atrymaŭ biełaruski paet Dźmitryj Strocaŭ.
Maksim Znak — advakat, navukoviec, piśmieńnik, palitźniavoleny, jaki adbyvaje 10-hadovy termin u kałonii ŭzmocnienaha režymu pa biespadstaŭnych abvinavačańniach.
Čytajcie taksama:
Kniha Maksima Znaka «Zekamieron» vyjšła ŭ pierakładzie na dackuju movu
Dva hady niama viestak ad palitviaźniaŭ Mikoły Statkieviča i Maksima Znaka
Knihu palitviaźnia Maksima Znaka «Zekamieron» źbirajucca ahučyć
Źniavolenyja biełaruskija advakaty stali łaŭreatami premii ŭ halinie pravoŭ čałavieka 2024 hoda