Aŭdyjavydaviectva audiobooks.by i Niezaležnaja teatralnaja hrupa «Kupałaŭcy» adkryli zbor na stvareńnie aŭdyjaviersii knihi Maksima Znaka «Zekamieron».
«Zekamieron. Vieršy. Hutarki» — heta apošniaje dapoŭnienaje vydańnie knihi palitviaźnia i advakata Maksima Znaka na biełaruskaj movie (vydaviectva «Połackija łabirynty»).
Teksty hetaha zbornika stvaralisia ŭ pieršy hod utrymańnia Maksima Znaka ŭ SIZA, kali tvorčaja dziejnaść za kratami i pieradača rukapisaŭ jašče byli mahčymyja. Častka tvoraŭ u apošnim vydańni była apublikavanaja ŭpieršyniu.
Prajekt stvareńnia aŭdyjaviersii apošniaha vydańnia knihi pa-biełarusku — heta supolnaja praca aŭdyjavydaviectva audiobooks.by i Niezaležnaj teatralnaj hrupy «Kupałaŭcy».
Sioleta aktory Siarhiej Čub i Aleh Harbuz razam z muzykam Uładzimiram Puhačam i režysioram Vojtekam Urbańskim prezientavali śpiektakl pavodle knihi palitviaźnia Maksima Znaka.
Knihu Znaka ahučać jak aŭdyjaśpiektakl, hałasami biełaruskich akcioraŭ i aktrys ź lehiendarnaj teatralnaj trupy nacyjanalnaha Kupałaŭskaha teatra.
Dla hetaha płanujuć sabrać 4500 jeŭra. Sabranyja srodki pojduć na zapis, mantaž, muzyčnaje azdableńnie. Aŭdyjazapis budzie vykładzieny na ŭsich bujnych płatformach u biaspłatnym dostupie.
Padtrymać zbor možna na płatformie gronka.org pa spasyłcy.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak7
Kamientary