Tramp paćvierdziŭ, što razhladaje mahčymaść pieradać Ukrainie sistemu Patriot
Prezident ZŠA Donald Tramp paćvierdziŭ, što razam sa svajoj kamandaj razhladaje mahčymaść pieradačy Ukrainie dadatkovaj sistemy supraćrakietnaj abarony Patriot. Pra heta jon skazaŭ žurnalistam padčas sustrečy ŭ Biełym domie z afrykanskimi lidarami, paviedamlaje ahienctva «Ukrinfarm».
Donald Tramp. Fota: Joe Raedle / Getty Images
«Jany (ukraincy. — Zaŭv. red.) chacieli b hetaha, ja viedaju, što jany zrabili zapyt. Tamu my pavinny razhledzieć heta», — adznačyŭ prezident ZŠA.
Pavodle jaho słoŭ, hetyja sistemy SPA na samaj spravie źjaŭlajucca «vielmi redkimi» i «vielmi darahimi».
«Škada, što my pavinny tracić stolki hrošaj na vajnu, jakoj nikoli b nie było, kali b ja byŭ prezidentam», — dadaŭ Tramp.
Amierykanski lidar jašče raz padkreśliŭ, što ŭkraincy padviarhajucca mahutnym rakietnym i pavietranym udaram.
«Tamu my i razhladajem heta», — skazaŭ prezident ZŠA.
Čytajcie taksama:
Tramp abiacaŭ Pucinu razbambić Maskvu k čortavaj maciery, kali Rasija napadzie na Ukrainu
Jak Tramp vykarystoŭvaje «teoryju varjata», kab mianiać śviet pad siabie. I ŭ jaho atrymlivajecca
«Kidaje ŭ nas kučy haŭna». Tramp zajaviŭ pra svaju niezadavolenaść Pucinym
Tramp paabiacaŭ Zialenskamu nieadkładna adpravić Ukrainie rakiety-pierachopniki dla Patriot