Tramp abiacaŭ Pucinu razbambić Maskvu k čortavaj maciery, kali Rasija napadzie na Ukrainu
Zhodna z aŭdyjazapisam, pradstaŭlenym CNN, u minułym hodzie Donald Tramp zajaviŭ na pryvatnaj sustrečy donaraŭ, što adnojčy jon sprabavaŭ utrymać prezidenta Rasii Uładzimira Pucina ad napadu na Ukrainu, pahražajučy ŭ adpłatu «razbambić Maskvu k čortavaj maciery»
«Pucinu ja skazaŭ: «Kali vy adpraviciesia va Ukrainu, ja razbamblu Maskvu k čortavaj maciery. Kažu vam, u mianie niama vybaru», — skazaŭ Tramp padčas adnaho ź mierapryjemstvaŭ pa zbory srodkaŭ u 2024 hodzie, zhodna z aŭdyjazapisam. «I tady [Pucin] kaža niešta nakštałt: «Ja vam nie vieru». Ale mnie jon pavieryŭ na 10%».
Tramp paźniej śćviardžaŭ, što pieradaŭ anałahičnaje papiaredžańnie prezidentu Kitaja Si Czińpinu ab mahčymym uvarvańni na Tajvań, skazaŭšy jamu, što ŭ adkaz ZŠA buduć bambić Piekin.
«Jon dumaŭ, što ja varjat», — skazaŭ Tramp pra Si Czińpina, pierš čym adznačyć, što «ŭ nas nikoli nie było prablem».
Hetyja vykazvańni, jakija prahučali paśla taho, jak Tramp vyłučyŭ svaju kandydaturu na druhi termin, byli siarod tych, što byli zachavanyja na sieryi aŭdyjazapisaŭ mierapryjemstvaŭ pa zbory srodkaŭ u 2024 hodzie ŭ Ńju-Jorku i Fłarydzie, jakija paźniej byli atrymany Džošam Doŭsi, Tajleram Pejdžaram i Ajziekam Arnsdorfam, jakija padrabiazna apisali niekatoryja abmieny dumkami ŭ svajoj novaj knizie «2024 hod».
Aŭdyjazapis raniej nie vychodziŭ u efir. Pieradvybarčy štab Trampa admoviŭsia kamientavać źmiest zapisaŭ.
Słovy Trampa napeŭna adnosiacca da jaho pieršaha prezidenckaha terminu, jaki skončyŭsia ŭ studzieni 2021 hoda.
Ciapier čytajuć
Vajar ź Biełaruskaha dobraachvotnickaha korpusa: Ja žyŭ u ružovaj burbałcy2
Kamientary
Kitaj napadaje na Tajvań, ZŠA abaraniaje. Rasija bje pa Eŭropie i ZŠA. Tramp adkazvaje jadziernaj u bok maskvy.