Hiermanija prypyniła vydaču humanitarnych viz. Ich atrymlivali i biełarusy
Hiermanija prypyniła vydaču humanitarnych viz, jakija atrymlivali ŭ tym liku i biełarusy. Heta rašeńnie stała častkaj bolš strohaj mihracyjnaj palityki, jakuju ŭzhadniła novaja ŭradavaja kaalicyja.
Zdymak ilustracyjny. Fota: minsk.diplo.de
Ministerstva ŭnutranych spraŭ Hiermanii paviedamiła, što humanitarnyja prahramy časova spynienyja. Raniej takija vizy davali ludziam ź Biełarusi, Rasii, Afhanistana i Siryi, jakija znachodzilisia pad pahrozaj z-za vajny, palityčnaj aktyŭnaści abo krytyki režymaŭ.
Pravaabaroncy ŭdakładniajuć, što tyja, chto ŭžo znachodzicca ŭ Hiermanii pa humanitarnaj vizie, mohuć i nadalej padaŭžać svaje dakumienty ŭ zvyčajnym paradku.
Pavodle źviestak DW, ad pačatku 2022 hoda humanitarnyja vizy atrymali kala 3000 racijan, a z 2020 pa 2024 — 267 biełarusaŭ, pryčym najbolš — u 2022 hodzie.
Čytajcie taksama:
«Čakaju aficyjnych prabačeńniaŭ». U biełaruski zhareŭ adpačynak u Pakistanie z‑za pamyłki ŭ vizie
Siamja ź Biełarusi na svajoj mašynie prajechała kala 10 tysiač kiłamietraŭ dziela Ehiejskaha mora