Biełarusam z 11-miesiačnym dziciom nie dali palacieć na Kipr pa polskim prajaznym dakumiencie. Dačapilisia da dziciaci
Siamju biełarusaŭ z 11-miesiačnym dziciom nie puścili na samalot avijakampanii Wizz Air, jaki lacieŭ na Kipr. Pryčyna — dzicia mieła tolki polski prajazny dakumient i stałaje miesca žycharstva ŭ Polščy, ale nie mieła pašparta, u tym liku biełaruskaha, paviedamiŭ telehram-kanał Dzik Pic.
Dzicia biełarusaŭ naradziłasia ŭžo ŭ Polščy, i biełaruskaha hramadzianstva nie afarmlałasia. Heta vyklikała prablemu na etapie pasadki.
Jak raskazali muž z žonkaj, jany spakojna prajšli rehistracyju i pašpartny kantrol u aeraporcie. Ale prablemy ŭźnikli na hiejcie:
«Kali padyšli da stojki na hiejcie, dzie skanujuć pasadačny, žančyna skazała: «Ja nie ŭpeŭnienaja, što vy možacie lacieć z hetym dakumientam». Kamuści patelefanavała, apisała dakumient i skazała čakać».
Na sproby pakazać aficyjnuju infarmacyju z sajta ŭładaŭ Kipra, dzie skazana, što vizy dla dziaciej z takim dakumientam nie patrabujecca, supracoŭnica nie reahavała. U vyniku, kali ŭsie pasažyry ŭžo prajšli na bort, jana znoŭ patelefanavała načalstvu i paviedamiła:
«Prabačcie, ja nie mahu puścić vas na bort, bo ŭ nas jość padazreńnie, što vas nie puściać na Kipr, što paciahnie za saboj departacyju ŭ Polšču. Kali b na vašym dakumiencie było paznačana, što jon vydadzieny na padstavie Ženieŭskaj kanviencyi 1951 hoda albo kali b u dziciaci byŭ praterminavany pašpart — to my b vas puścili».
Siamja padała skarhu na sajcie Wizz Air i čakaje adkazu na praciahu 30 dzion, ale miarkuje, što atrymaje standartny adkaz:
«Adpisku ŭ styli «vy sami pavinny pakłapacicca ab dakumientach».
Adnak užo byli vypadki, kali biełarusam udavałasia atrymać kampiensacyju. Naprykład, Ryanair vypłaciŭ hrošy žančynie, jakuju nie puścili z prajaznym dakumientam, a taksama inšaj siamji, kali z-za padobnaj situacyi nie zmahła palacieć 12-hadovaja dačka.
Ciapier čytajuć
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ36
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
Nie bol pašpartu - značyć ani stały pobyt, ani prajazny dakumant nie pracujuć, kapiš?