«Situacyja zaraz na palityčnaj arenie napružanaja». Rajonka apublikavała kamientary prybiralščycy nakont intervju Łukašenki časopisu Time
Rajonka «Čyrvony Kastryčnik» haradskoha pasiołka Akciabrski apublikavała vykazvańni miascovych žycharoŭ z nahody intervju Alaksandra Łukašenki amierykanskamu žurnalistu Sajmanu Šusteru.
U asnoŭnym, dali vykazvańni zapar ideołahaŭ — ideołahaŭ roznych arhanizacyj i navat milicyi, kiraŭnika miascovaha adździaleńnia «Biełaj Rusi», deputata, žurnalista hetaha vydańnia (nie vyklučana, što jon i byŭ aŭtaram apytańnia). Tamu, imavierna, vyrašyli dać słova i prostym ludziam. Kamientaryi pa intelektualnaj mocy ad hetaha ničoha nie stracili i nijak nie vyłučalisia adzin ad adnaho, bo kamientataram treba było tolki chvalić Łukašenku — jaho mudraść, adkrytaść i toje, što toj havaryŭ, jak zaŭsiody, sumlenna i, jak zaŭsiody, spraviadliva.
Ksienija Dabranskaja, vachcior rajonnaha centra tvorčaści dziaciej i moładzi skazała nastupnaje:
— Prahladzieła vystupleńnie Prezidenta našaj krainy Alaksandra Ryhoraviča Łukašenki, jaki daŭ intervju suśvietnamu vydańniu — časopisu Time i jaho žurnalistu Sajmanu Šusteru. U kožnym słovie prasočvajecca pierakanańnie Kiraŭnika dziaržavy ab tym, što Biełaruś — miralubivaja kraina i ŭsialak sadziejničaje praduchileńniu kanfliktaŭ na płaniecie.
Situacyja zaraz na palityčnaj arenie napružanaja, ale šmatviektarnaść źniešniaj palityki Biełarusi stanovicca suśvietnym brendam.
Adkrytaść našaj krainy pakazvaje jaje imknieńnie da ŭzajemavyhadnaha supracoŭnictva pamiž krainami. Ad nas — moładzi, moža mała što zaležyć, ale my taksama za adnosiny narodaŭ biez sankcyj, abmiežavańniaŭ, pahroz i vojnaŭ.
Natalla Dajnieka, prybiralščyca terytoryj dziciača-junackaj spartyŭnaj škoły miarkuje tak:
— Surjoznaja razmova adbyłasia pamiž našym Prezidentam Alaksandram Łukašenkam i amierykanskim žurnalistam Sajmanam Šusteram. Uvažliva sačyła za kožnym pytańniem i adkazam. Temy zakranalisia roznabakovyja, samyja surjoznyja i hłabalnyja. Ale samaje hałoŭnaje, što ŭsio zvodziłasia da miralubnaści i žyćcia biez vajny, da taho, što siońnia, mabyć, chvaluje kožnaha biełarusa ŭ pieršuju čarhu. Naš narod, u adroźnieńnie ad zachodnich krain, nie pretenduje na čužyja ziemli i suvierenitet. Intervju atrymałasia ščyrym i źmiastoŭnym.
Ciapier čytajuć
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda17
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary
Nie prietiendujem na čužije ziemli eto kohda riehularno hroziat sosiediam naniesti prievientivnyj udar? Kohda postojanno trut o suvałskom kłridorie? Kohda na političieskich tok-šou pieriodičieski obsuždajut, čto i Biełostoččinu možno było by vierieuť?
Nu da, nu da...