U Varšavie niejtralizavali dron nad uradavymi budynkami

udakładniena

Dron lotaŭ nad uradavymi budynkami na vulicy Parkavaj i nad Bielviederam (adna z rezidencyj prezidenta Polščy). Inšych padrabiaznaściaŭ pakul niama.

Palicyja rasśleduje abstaviny incydentu, paviedamiŭ premjer Polščy Donald Tusk.

Paźniej stała viadoma, što biełarusaŭ nie dvoje: havorka pra 21-hadovaha ŭkrainca i 17-hadovuju biełarusku.

Pres-sakratar kiraŭnika Słužby achovy dziaržavy Bahusłaŭ Piarkoŭski paćvierdziŭ vydańniu Onet, što taki incydent adbyŭsia «niadaŭna». Jon raskazaŭ, što supracoŭniki Słužby dziaržaŭnaj achovy, jakija dziažuryli ŭ pałacy Bielvieder, ubačyli latučy abjekt, jaki zjaviŭsia nad budynkam, i pryniali zachady, jakija pryviali da aryštu dvuch hramadzian Biełarusi. 

«Ja padazraju, što padobnyja pravakacyi buduć paŭtaracca», — prakamientavała ŭ efiry TVN24 infarmacyju pra drony ministarka finansaŭ i rehijanalnaj palityki Katažyna Piałčyńska-Nałenč.

Biełaruś i Rasija ciapier pravodziać vučeńni «Zachad-2025» niepadalok ad miežaŭ NATA. Raniej kala dvuch dziasiatkaŭ rasijskich bieśpiłotnikaŭ užo zalatali na terytoryju Polščy, paśla čaho palaki pierakinuli da miežaŭ 40 tysiač vajskoŭcaŭ.

Kamientary da artykuła