Baza ŭ Žešuvie — heta klučavy chab vajennaj padtrymki Ukrainy.
Piać rasijskich dronaŭ, jakija zalacieli na terytoryju Polščy ŭ noč na 10 vieraśnia, lacieli pramym kursam u bok bazy NATA ŭ Žešuvie.
Praz hetuju bazu transpartujecca vajennaja technika dla Ukrainy. U NATA ličać, što heta była naŭmysnaja akcyja, piša TVP sa spasyłkaj na Die Welt.
U sieradu ŭviečary adbyłasia ŭnutranaja sustreča NATO, pryśviečanaja biaśpiecy. Vydańnie, jakoje spasyłajecca na papiarednija vysnovy polskich śledčych, śćviardžaje, što ŭ noč z aŭtorka na sieradu piać rasijskich dronaŭ znachodzilisia na pramoj trajektoryi palotu da bazy aljansa.
U vyniku try drony byli źbityja hałandskimi źniščalnikami F-35, a dva inšyja raźbilisia niezrazumiełym čynam.
«U ciapierašniaj situacyi my miarkujem, što drony, chutčej za ŭsio, naŭmysna ŭvarvalisia ŭ pavietranuju prastoru NATA», — skazaŭ vydańniu vysokapastaŭleny aficer NATA.
Jon padkreśliŭ, što z poŭnačy z aŭtorka na sieradu da pryblizna 6.30 u pavietranuju prastoru Polščy, jakaja taksama źjaŭlajecca terytoryjaj NATA, uvarvałasia ahułam ad 22 da 25 dronaŭ.
«Užo sama vialikaja kolkaść dronaŭ robić vypadkovaść małavierahodnaj», — adznačyŭ pradstaŭnik NATA.
Pavodle Die Welt, uvarvańnie rasijskich dronaŭ u Polšču — heta «najbujniejšy incydent, datyčny biaśpieki NATA, za dziesiacihodździ».
Ci pavinna NATA paśla dronavaj ataki na Polšču zadziejničać 5-ty artykuł? Adnaznačna — nie. Ale reahavać musić rašuča
Nichto pakul nie zrazumieŭ, što skazaŭ Tramp pra zalot rasijskich dronaŭ u Polšču
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany
Tusk: Značnaja častka rasijskich dronaŭ prylacieła ŭ Polšču ź Biełarusi
U Polšču zalacieli bolš za dva dziasiatki rasijskich dronaŭ, a nie 10
Dron upaŭ na žyły dom u Polščy
«Heta akt vajny»: kanhresmien ZŠA zajaviŭ, što Rasija atakavała NATA
Pavietranuju prastoru Polščy parušyli šmatlikija bieśpiłotniki. Zakryvalisia aeradromy, drony źbivała avijacyja NATA
Kamientary