Bild: Vučeńni «Zachad-2025» zakančvajucca. Zaraz u Pucina try varyjanty, i dva ź ich — adpravić vojski ŭ boj
Rasijska-biełaruskija vajskovyja vučeńni zakančvajucca ŭ aŭtorak. U Jeŭropie bajacca, što sabranyja tudy 30 tysiač vajskoŭcaŭ mohuć napaści na adnu z krain NATO — hetak ža, jak Uładzimir Pucin nieŭzabavie paśla vučeńniaŭ «Zachad — 2021» napaŭ na Ukrainu.
Ale na hety raz NATO jasna daje zrazumieć, što maje na ŭvazie mahčymaść takoha scenaru — u krainach Bałtyi praviedzieny vučeńni Quadriga, u jakich adpracoŭvajecca abarona ŭschodnich miežaŭ aljansu. Akramia taho, Polšča, Hiermanija i inšyja krainy aktyŭna inviestujuć u svaje ŭzbrojenyja siły. Niamieckija palityki nabrali hihanckija daŭhi (da 1 trłn jeŭra) na ŭzbrajeńnie i infrastrukturu, u ES budujucca novyja vajennyja zavody.
Pierad Pucinym, na dumku palityčnaha ahladalnika Bild Pietera Cide, ciapier try varyjanty:
— Vojski zastanucca na miescy ŭ jakaści pahrozy Zachadu
— Vojski prosta z vučeńniaŭ uvarvucca va Ukrainu z terytoryi Biełarusi
— Pakul usia ŭvaha skancentravana na vojskach u Biełarusi, napaści ŭ inšym miescy.
Jasna adno, — piša Cide, — Pucin demanstruje siłu, u toj čas jak krainy NATO pakul nie hatovyja. Śviedčańnie tamu — niadaŭniaja ataka dronaŭ na Polšču: z 25 tannych BPŁA źbili tolki try, pryčym likvidacyja kožnaha ź ich kaštavała pa 400 tysiač jeŭra.
Heta stralba z harmat pa vierabjach, a jeŭrapiejcy vyhladajuć jak 35-hadovaje dzicia, jakoje źjazdžaje ad baćkoŭ i sutykajecca raptam z darosłymi prablemami, reziumuje ahladalnik Bild.
Kamientary
k koncu vsiej opieracii eti rozovyje poni tolko uśpiejut druh s druhom sozvoniťsia "dla konsultacij". i bolšie ničieho.
ja voobŝie nie udivluś, čto ciel vsiej "dvižuchi" imienno eto.