Na vučeńniach «Zachad-2025» vajskoŭcy vyzvalali avijazavod ad terarystaŭ FOTY
Na palihonie MNS «Śvietłaja Rošča» ŭ ramkach sumiesnych vučeńniaŭ «Zachad-2025» vajskoŭcy źniščyli niezakonnyja ŭzbrojenyja farmiravańni, jakija ŭmoŭna zachapili častku avijaramontnaha pradpryjemstva.
Dla vyjaŭleńnia varožych sił i acenki vynikaŭ boju vykarystoŭvalisia bieśpiłotnyja latalnyja aparaty. Paśla praviadzieńnia detalovaj raźviedki da aktyŭnych dziejańniaŭ prystupili šturmavyja hrupy. Pieršym etapam było błakiravańnie terytoryi pradpryjemstva, zatym — źniščeńnie ŭmoŭnaha praciŭnika i pieradača abjekta pad achovu terytaryjalnym vojskam.
Jak prakamientavaŭ «Vajaru» ananimny kamandzir voinskaj častki, ranicaj 14 vieraśnia ŭmoŭny praciŭnik zachapiŭ «adzin z abjektaŭ krytyčnaj infrastruktury dziaržavy». U adkaz padraździaleńnie ździejśniła marš pa darohach ahulnaha karystańnia pry padtrymcy avijacyi i zabłakiravała praciŭnika.
Jon taksama adznačyŭ, što ŭzajemadziejańnie było naładžana z sajuźnikami, a nastupalnaja faza prachodziła pry padtrymcy bronietechniki i šturmavych hrup. «
Sajuźniki ažyćciavili šturm troch budynkaŭ, začyścili ich, praciŭnik byŭ źniščany». U ramkach vučeńniaŭ taksama była praviedziena evakuacyja paranienych.
Kamientary