Vens vykazaŭsia za adnaŭleńnie handlovych i kulturnych abmienaŭ pamiž Ukrainaj i Rasijaj

Vice-prezident ZŠA Džej Dzi Vens vykazaŭ mierkavańnie, što Ukraina i Rasija paśla ŭsiaho taho, što adbyłosia i adbyvajecca, mohuć i pavinny adnavić ekanamičnyja i navat kulturnyja kantakty. Pra heta jon zajaviŭ padčas vystupleńnia ŭ Vašynhtonie.

Džej Dzi Vens. Fota: Kent Nishimura / Getty Images

«Viedajecie, jon [prezident ZŠA Donald Tramp. — Red.] — zdaraviak, ale jon nie žorstki čałaviek. Dumaju, jon na fundamientalnym uzroŭni nie razumieje, što takoje hvałt.

[Jon tak razvažaje:] «Čamu b vam nie pierastać zabivać adzin adnaho i nie pačać handlavać adzin z adnym? Čamu, zamiest taho kab rasijanie i ŭkraincy zabivali adzin adnaho, im, nasamreč, nie pasprabavać naładzić biznes adzin z adnym? Pačać padarožničać pamiž krainami? Zajmacca jakim-niebudź kulturnym abmienam?». Tak jon heta fundamientalna bačyć», — zajaviŭ vice-prezident ZŠA.

Taksama jon ličyć, što Donald Tramp u vypadku ŭrehulavańnia ŭkrainskaha kryzisu byŭ by varty Nobieleŭskaj premii miru.

Kamientary da artykuła