Navina pra hety krok prychodzić u momant, kali z‘javilisia čutki pra naviazvańnie administracyjaj Trampa kapitulacyi Ukrainy.
Śpiecyjalny pasłańnik ZŠA prezidenta Donalda Trampa pa Ukrainie Kit Kiełah skazaŭ znajomym, što płanuje syści z administracyi ŭ studzieni, skazali Reuters čatyry krynicy, što aznačaje stratu klučavoha abaroncy Ukrainy ŭ administracyi Trampa.
Śpiecyjalny prezidencki pasłańnik — časovaje pryznačeńnie, i takija pasłańniki ŭ teoryi pavinny być zaćvierdžanyja Sienatam, kab zastavacca na svaich pazicyjach paśla 360 dzion. Kiełah skazaŭ, što studzień byŭ by naturalnym momantam dla sychodu, zychodziačy ź isnujučaha zakanadaŭstva, skazali krynicy.
Jaho adychod budzie niepryjemnaj navinoj dla Kijeva. Adstaŭny hienierał-lejtenant šyroka razhladaŭsia jeŭrapiejskimi dypłamatami, uklučajučy ŭkraincaŭ, jak spahadlivaje vucha ŭ administracyi, jakaja časam schilajecca da maskoŭskaha pohladu ab pryčynach vajny va Ukrainie.
Navina pra hety krok prychodzić u momant, kali Ukraina sutykajecca z novymi ciažkaściami na dypłamatyčnym froncie.
Dźvie krynicy skazali Reuters u sieradu, što ZŠA pieradali sihnał prezidentu Ukrainy Uładzimiru Zialenskamu, što Ukraina pavinna pryniać padrychtavany ZŠA prajekt zakančeńnia vajny z Rasijaj, jaki prapanuje Kijevu admovicca ad terytoryj i niekatorych vidaŭ uzbrajeńniaŭ. Prapanova, jakaja ŭklučaje skaračeńnie pamieru Uzbrojenych sił Ukrainy, stała b surjoznym udaram dla Kijeva.
U červieni Kit Kiełah prylataŭ u Minsk, u vyniku čaho byli vyzvalenyja 14 biełaruskich palitviaźniaŭ, u tym liku Siarhiej Cichanoŭski, Ihar Karniej, Natalla Dulina, Siarhiej Šeleh i inšyja.
Kamientary