U Minpracy patłumačyli, jak biełarusy z pracaj u Jeŭrasajuzie mohuć paźbiehnuć zaličeńnia ŭ «darmajedy»
Pradstaŭnik Ministerstva pracy Biełarusi Siarhiej Kacko rastłumačyŭ, što biełarusy, jakija pracujuć u krainach ES, mohuć być vyklučanyja z bazy «niezaniatych u ekanomicy» tolki paśla pastanoŭki na ŭlik u Fond sacyjalnaj abarony nasielnictva i apłaty strachavych uznosaŭ u Biełarusi. Tady fond budzie aŭtamatyčna vyklučać ich z hetaj bazy.
Fota ilustracyjnaje
Tym ža, chto pracuje ŭ miežach JEAES, kab nie ličycca «darmajedam», treba padać u kamisiju pa sadziejničańni zaniataści pracoŭnuju damovu i daviedku ź miesca pracy. Kamisija moža vyklučyć čałavieka z bazy na termin da hoda, paśla čaho dakumienty jamu treba padavać nanoŭ.
Pry hetym stać na ŭlik u FSAN nie dazvalajuć anłajn.
Nahadajem, što z kastryčnika źmianilisia praviły apłaty kamunalnych pasłuh dla ŭłaśnikaŭ žylla, jakija ličacca niezaniatymi ŭ ekanomicy: ciapier pavyšanyja taryfy prymianiajucca nie tolki da doli niezaniataha, a da ŭsioj kvatery abo doma. U listapadzie mnohija biełarusy atrymali istotna bolšyja rachunki, što vyklikała aktyŭnaje abmierkavańnie ŭ sacsietkach.
Čytajcie taksama:
Ludzi ŭ šoku ad žyrovak za kastryčnik. I jany nie darmajedy
Piacirazovaja roźnica: paraŭnali taryfy na ŽKP dla «darmajedaŭ» i tych, chto pracuje