Piacirazovaja roźnica: paraŭnali taryfy na ŽKP dla «darmajedaŭ» i tych, chto pracuje
Biełarusy ŭ šoku ad žyrovak u 500—700 rubloŭ — z 1 kastryčnika ŭłaśniki žylla (najmalniki), jakija trapili ŭ bazu darmajedaŭ, płaciać 100% pa kamunałcy za ŭsiu žyłpłošču, a nie tolki za svaju častku. «Minskaja praŭda» daviedałasia, pa jakich ža taryfach raźličvajuć tak zvanych «damajedaŭ», a pa jakich tych, chto aficyjna pracuje.
Z 1 kastryčnika ŭsim hramadzianam, jakija ŭklučany ŭ bazu pracazdolnych, ale nie zaniatych u ekanomicy, naličvajecca płata za žyllova-kamunalnyja pasłuhi pa poŭnych ekanamična abhruntavanych taryfach.
Vodazabieśpiačeńnie: Kali čałaviek nie pracuje, to za vodazabieśpiačeńnie (1 kub. m) jamu pryjdziecca płacić 2,1548 rubla, subsidavany taryf — 1,8793.
Aciapleńnie: Dla darmajedaŭ ekanamična abhruntavany taryf ustalavany na ŭzroŭni 134,94 rubla za 1 Hkał. Tady jak pracujučyja ludzi płaciać amal u piać razoŭ mienš — 27,2323 rubla za 1 Hkał.
Haz: Ekanamična abhruntavany taryf za 1 kub. m pryrodnaha hazu (pry najaŭnaści ŭ kvatery prybora indyvidualnaha ŭliku raschodu hazu) dla biespracoŭnych składaje 0,575 rubla. Dla pracujučych — usiaho 0,2125 rubla.
«Nie płacić» nielha
Pryčym kali ŭ darmajeda va ŭłasnaści niekalki kvater, za kožnuju jon budzie płacić kamunałku ŭ 100% pamiery. Nie płacić nielha — budzie raści pienia. Jak vynik, žyllova-kamunalnyja pasłuhi mohuć i zusim adklučyć.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała19
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary
Dalej budzie jašče horš: dla usich, chto aficyjna nie pracuje, uviaduć płatnuju miedycynu i h.d.
A što vy žadali, heta dziki kapitalizm, dzietka!