Kamunałku dla «darmajedaŭ» pačali naličvać pavodle novych praviłaŭ. Ludzi nie mohuć pavieryć ličbam u žyroŭkach
«Dobry dzień. U nas 59 kv, prapisany 1 čałaviek, a suma 369 rubloŭ. Kudy źviartacca?»
Biełarusy ŭ šoku ad cen za kamunałku dla tych, chto trapiŭ u «darmajedy». Žycharka Połacka, muž jakoj pracuje ŭ Jeŭropie, apublikavała ŭ Threads svaju žyroŭku, źviarnuła ŭvahu «Točka».
«Nu što biełarusy, raskazvajcie, kamu taksama pryjšli paciažełyja žyroŭki z apłataj pa poŭnym košcie i kolki vystavili vam? Ja pačnu, 63 kv. m — 349,47».
Druhaja žančyna adkazała joj: «Dobry dzień. U nas 59 kv, prapisany 1 čałaviek, a suma 369 rubloŭ. Kudy źviartacca?»
«Usim pryvitańnie, mianie zavuć Andrej, i ja darmajed, jaki pracuje ŭ Jeŭropie. Žyroŭka 200+ za amal 70 kv. m», — napisaŭ biełarus.
U šoku i jašče adna aŭtarka kamientara: «A voś padkažycie, ja ŭ dekrecie, 20 m², pryjšli kamunalnyja 312 r».
Pryčym nie ŭsie razumiejuć, z čym źviazanaje rezkaje pavyšeńnie koštu.
«Mnie bolš cikava, čamu ja, pracujučy aficyjna ŭ Biełarusi, taksama mušu apłacić hetuju kamunałku za svaje 50% kvatery, tolki tamu, što kvatera zapisanaja na muža. Ja mužu nie niańka i nie mamka, jon sam vyznačaje, jak i dzie pracavać i zarablać».
Rekord ža naležyć dziaŭčynie, jakoj daviadziecca zapłacić bolš za 745 rubloŭ.
U Biełarusi z 1 kastryčnika pamianiaŭsia paradak raźliku płaty za žyllova-kamunalnyja pasłuhi dla niezaniatych u ekanomicy hramadzian. Raniej pamier płaty zaležaŭ ad faktu rehistracyi ŭłaśnika ŭ kvatery i kolkaści žylcoŭ.
Naprykład, kali ŭ kvatery, jakaja naležyć aficyjna biespracoŭnamu hramadzianinu, zarehistravanyja i žyvuć troje, to pavyšany taryf užyvaŭsia tolki da častki płoščy. Novyja praviły skasavali hety pryncyp.
Ciapier, kali hramadzianin pryznany nie zaniatym u ekanomicy, na ŭsie kvatery, jakija jamu naležać (niezaležna ad ich kolkaści), i na ŭvieś abjom spažyvańnia ŭ asnoŭnych pasłuhach naličvajecca poŭny taryf.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj32
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary
A vot jeśli kto to napišiet, o VKŁ i usomnitsia ob učastii nasielenija živšije 300 let tomu nazad, čto oni nie biełorusy, tak naletiat kak muchi na mied i vsie kak odin na biełoruskom.
A šo im pisať o kakoj to nyniešniej komunałkie, dla nich siehodniašnij biełorus ni kto i ni kak, vot jeśli 300 - 400 tomu nazad, eto da, važno i aktualno.