Na BT zajavili, što špijon Uładzimir Usier pisaŭ z Polščy ŭ kamisiju pa viartańni
Pra nibyta prysłany zvarot Uładzimira Usiera (Łazarava) raskazali ŭ siužecie telekanała «Biełaruś 1», jaki vyjšaŭ 12 studzienia. Pra stanoŭčaje rašeńnie jon nibyta daviedacca ŭžo nie paśpieŭ.
Pra śmierć 70‑hadovaha Usiera stała viadoma ŭ pačatku śniežnia. Pryblizna ŭ toj ža čas źnik z pola zroku jaho susied Anatol Vajciachoŭski, jaki 12 studzienia źjaviŭsia ŭ prapahandysckim videa na dziaržaŭnym telebačańni. U roliku śćviardžałasia, što pierad hibiellu Usier nibyta napisaŭ zajavu ŭ śpiecyjalnuju kamisiju pa viartańni, ale pamior, tak i nie atrymaŭšy adkazu.
Prapahandystka Ksienija Lebiedzieva pakazała ŭ efiry ksierakopiju dakumienta, datavanaha 25 vieraśnia 2025 hoda. U im Usier nibyta piša, što byŭ adnym sa stvaralnikaŭ filma «Čužoje nieba», a taksama vykazvaje raskajańnie za raniejšyja publikacyi.
Pa słovach Lebiedzievaj, kamisija nibyta pryniała stanoŭčaje rašeńnie pa jaho zvarocie, adnak sam Usier pra heta ŭžo nie daviedaŭsia.
Uładzimir Usier
Taksama ŭ videa pakazali kadry z kvatery Usiera, jaho miedycynskija dakumienty, razmytaje fota pamierłaha i, jak śćviardžałasia, materyjały kryminalnaj spravy, zaviedzienaj suprać jaho pa abvinavačańni ŭ špijanažy.
Anatol Vajciachoŭski ŭ hetym siužecie zajaviŭ, što viarnuŭsia ŭ Biełaruś, bo bajaŭsia za svajo zdaroŭje.
Čytajcie taksama:
Aktyvist ź Biełastoka, jaki ciškom viarnuŭsia ŭ Biełaruś, byŭ u kiraŭnictvie «Narodnaj hramady»
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy