Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy
Babrujski aktyvist skanaŭ u šełtary ŭ Biełastoku, kudy jaho adpuścili sa špitala čakać suda.
Jak stała viadoma «Našaj Nivie», pamior Uładzimir Usier. Apošnim časam jon žyŭ u šełtary Caritas u Biełastoku. U byłoha babrujskaha aktyvista spyniłasia serca. Usieru było 69 hadoŭ.
Uładzimir apošnim časam byŭ pad śledstvam pa spravie ab špijanažy ŭ Polščy. Pavodle źviestak polskaj prakuratury, troje biełarusaŭ i dvoje ŭkraincaŭ z sakavika 2024 hoda da lutaha 2025‑ha supracoŭničali z zamiežnaj raźviedkaj i vykonvali roznyja zadańni, jakija atrymlivali z paviedamleńniaŭ u telehramie.
U ich zadačy ŭvachodziła fatahrafavańnie abjektaŭ krytyčnaj infrastruktury i miescaŭ, važnych dla biaśpieki dziaržavy. Akramia taho, jany pavinny byli raźviešvać płakaty i malavać hrafici.
Pa hetaj spravie zatrymali i Usiera. Ale siłaviki pakinuli jaho ŭ špitali praz drenny stan zdaroŭja. Suda jon čakaŭ na voli.
Jašče raniej Usier ulapaŭsia ŭ prapahandyscki film BT. Jon źniaŭ niekalki siužetaŭ u Biełastoku, jakija potym vykarystali ŭ ahitcy «Čužoje nieba».
Pamiatajecie niemaładoha aktyvista, jaki pa duraści źniaŭsia ŭ prapahandysckim kino BT? U Polščy jon ulapaŭsia jašče i ŭ špijanaž
U Polščy zatrymali za špijanaž troch biełarusaŭ i dvuch ukraincaŭ
«Mnie soramna, ale ja navat nie pamiataju». Stali viadomyja novyja padrabiaznaści z pracesu zdymak emihrantaŭ dla kino na BT
Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli
U zatrymanaha ŭ Polščy taksista-špijona znajšli śpis biełarusaŭ, za jakimi jon mieŭ zadańnie sačyć
Kamientary
Kolki tak losaŭ zmarnavana tymi, chto atrymlivajuć zarobki za toje, kab dapamahać ludziam, a nasamreč bavić čas u adviečnych adpačynkach na Maltach i Teneryfach. Kab vam viarnułasia hetaje ludzkoje hora tuzinam!!!