Rasijski tankier, efiektna zatrymany Francyjaj u Mižziemnym mory, adpuściać płavać dalej

Prezident Francyi Emanuel Makron patłumačyŭ prezidentu Ukrainy Uładzimiru Zialenskamu, što zatrymany francuzami rasijski tankier z tak zvanaha cieniavoha fłotu Rasii pryjdziecca adpuścić z-za dziejnych zakonaŭ Francyi. Pra heta Zialenski paviedamiŭ na sustrečy z žurnalistami ŭ Kijevie.

Tankier Grinch. Fota: x.com/EtatMajorFR

Ukrainski prezident padziakavaŭ Makronu za zatrymańnie tankiera Grinch, jaki naležyć da cieniavoha fłotu. Makron ža adznačyŭ, što treba źmianić zakanadaŭstva, kab u budučyni padsankcyjnyja rasijskija tankiery mahli zastavacca ŭ stanie pad aryštam u Francyi.

Zialenski zaklikaŭ inšyja jeŭrapiejskija krainy pa prykładzie Francyi spyniać i aryštoŭvać tankiery cieniavoha fłotu. Jon padkreśliŭ, što kanfiskacyja takich sudnaŭ — adzin ź instrumientaŭ, zdolnych paskoryć zakančeńnie vajny va Ukrainie.

Tankier Grinch byŭ zatrymany 22 studzienia kala ispanskich bierahoŭ paśla pravierki dakumientaŭ, jakija paćvierdzili padazreńni adnosna niesapraŭdnaha ściaha. Sudna išło z Murmanska pad ściaham Kamorskich astravoŭ i časta dastaŭlała naftu ŭ party Kitaja i Indyi. Tankier fihuruje ŭ sankcyjnych śpisach ES, Vialikabrytanii i ZŠA pad roznymi nazvami.

28 studzienia paviedamlałasia, što zatrymany tankier zastaniecca «zatrymanym» da pryniaćcia dalejšych rašeńniaŭ. Ministr zamiežnych spraŭ Francyi Žan-Nael Baro raniej zaklikaŭ da žorstkich mier suprać sudnaŭ «cieniavoha fłotu» Rasii ŭ ramkach 20‑ha pakieta sankcyj ES.

Kamientary da artykuła