Hiermanija ŭpieršyniu nie prapuściła tankier rasijskaha cieniavoha fłotu praz svaje terytaryjalnyja vody
Hiermanija nie dazvoliła rasijskamu tankieru Tavian prajści ŭ Bałtyjskaje mora praz svaje terytaryjalnyja vody. Pra heta paviedamiła vydańnie Süddeutsche Zeitung.
Ranicaj 10 studzienia fiederalnaja palicyja Hiermanii spyniła sudna, jakoje išło pad ściaham Kamieruna, z-za padazreńniaŭ u falšyvaj rehistracyi i vykarystańni padroblenaha identyfikacyjnaha numara. U chodzie pravierki vyśvietliłasia, što havorka idzie pra 27‑hadovy tak zvany «tankier-zombi», jaki za čas ekspłuatacyi źmianiŭ užo 13 nazvaŭ. Raniej jon byŭ viadomy jak Tia i Arcusat.
Tankier płanavaŭ prajści praz Bałtyjskaje mora ŭ Sankt-Pieciarburh, dzie raźmieščanyja bujnyja naftavyja terminały. Niemieckija ŭłady nakiravali da sudna viertalot i zapatrabavali ŭ ekipaža dakumienty ź identyfikacyjnymi danymi. Pravierka paćvierdziła parušeńni, i Tavian admovili va ŭvachodzie ŭ niamieckija vody.
Paśla hetaha sudna raźviarnułasia na poŭnač i, pavodle źviestak Starboard Maritime Intelligence, ciapier ruchajecca ŭ bok Narviežskaha mora. Adtul niedaloka da Murmanska — jašče adnaho rasijskaha naftavaha porta.
Upieršyniu Hiermanija źviarnuła ŭvahu na Tavian u śniežni 2025 hoda, kali tankier vychodziŭ z Bałtyjskaha mora. Tady ŭ niamieckaj słužbie biaśpieki sudnachodstva zajavili, što heta pieršy zafiksavany vypadak źjaŭleńnia «tankiera-zombi» kala bierahoŭ krainy. Adnak spynić jaho nie zmahli, bo sudna znachodziłasia ŭ mižnarodnych vodach. Paśla hetaha jano nakiravałasia ŭ bok Turcyi.
Pavodle infarmacyi Kieler Nachrichten, tankier vyjšaŭ z Prymorska z prykładna 100 tysiačami ton rasijskaj nafty. Vydańnie adznačała, što techničny stan sudna vielmi drenny. Tankier byŭ pabudavany ŭ 1998 hodzie na vierfi ŭ Paŭdniovaj Karei dla niamieckaj kampanii Reederei Nord i pieršapačatkova nasiŭ nazvu Nordmark.
ZŠA zatrymali ŭžo šosty zamiežny tankier, źviazany ź Vieniesuełaj
Tramp vyrašyŭ zachoplivać rasijskija tankiery, bo Pucin jaho «stamiŭ»
Zatrymać siońnia naftavy tankier amierykancam dapamahli ŭłady Vieniesueły. Tramp imi zadavoleny
U ekipažy zatrymanaha tankiera rasijskaha cieniavoha fłotu — 17 ukraincaŭ
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii9
Kamientary