Sudna «Prahres», jakoje z vosieni 2025 hoda chodzić pad rasijskim ściaham, a raniej było pad panamskim, apynułasia ŭ ciažkaj situacyi kala bierahoŭ Ałžyra. Pavodle infarmacyi Bloomberg, tankier znachodzicca pad sankcyjami za pieravozku rasijskaj nafty.
«Prahres», jaki adnosicca da kłasa LR2, ruchaŭsia na ŭschod uzdoŭž paŭnočnaafrykanskaha ŭźbiarežža ŭ bok Sueckaha kanała. Na borcie znachodziłasia kala 730 tysiač baralaŭ nafty marki Urals. Adnak paśla taho jak sudna praminuła Ałžyr u sieradu ŭdzień, jano raptoŭna źmianiła kurs, paviarnuła na poŭnač i vyjšła za miežy sudnachodnych šlachoŭ.
Paśla hetaha tankier pieradaŭ sihnał ab stracie kiravańnia, a jahonaja chutkaść źniziłasia prykładna da adnaho vuzła. Pavodle danych sistem sačeńnia, da pałovy dnia piatnicy sudna praciahvała pavolna drejfavać na ŭschod z toj ža minimalnaj chutkaściu.
Miarkujecca, što pryčynaj zdareńnia stała techničnaja niaspraŭnaść na borcie.
Zhodna ź mižnarodnaj sudnachodnaj bazaj danych Equasis, kiraŭničaj kampanijaj tankiera «Prahres» źjaŭlajecca Legacy Marine LLC, zarehistravanaja ŭ Sankt-Pieciarburhu.
Źjaviłasia VIDEA, jak francuzskija vajskoŭcy biaruć na abardaž tankier rasijskaha cieniavoha fłotu
Zdabyča nafty ŭ Rasii ŭpała da minimumu za apošnija 16 hadoŭ
Hiermanija ŭpieršyniu nie prapuściła tankier rasijskaha cieniavoha fłotu praz svaje terytaryjalnyja vody
Tramp vyrašyŭ zachoplivać rasijskija tankiery, bo Pucin jaho «stamiŭ»
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii16
Kamientary