U Francyi paviedamili padrabiaznaści pra rasijski cieniavy tankier, zatrymany ŭ Mižziemnym mory
Zatrymanym tankieram akazaŭsia naftavy tankier Grinch, jaki płyŭ z Murmanska pad falšyvym ściaham, paviedamiła Mižziemnamorskaja marskaja prefiektura Francyi.
Zatrymańnie adbyłosia 22 studzienia ŭ mory Albaran — na zachadzie Mižziemnaha mora, niedaloka ad Hibrałtarskaha praliva. Apieracyja pravodziłasia na padstavie art. 110 Kanviencyi AAN ab marskim pravie i mieła na mecie pravierku sapraŭdnaj prynaležnaści sudna, bo jaho padazravali ŭ vykarystańni falšyvaha ściaha. U zatrymańni tankiera, akramia Francyi, udzielničała i Vialikabrytanija.
Pravierka dakumientaŭ na borcie paćvierdziła padazreńni francuzskich uładaŭ, tamu sprava była pieradadziena prakuroru ŭ Marseli.
Zhodna ź mižnarodnym pravam i pa patrabavańni prakurora tankier byŭ źniaty z maršrutu i ŭ supravadžeńni nacyjanalnaha fłotu byŭ nakiravany na śpiecyjalnuju stajanku dla dalejšaj pravierki.
Ź infarmacyi vydańnia BFMTV, tankier ruchaŭsia pad ściaham Kamorskich astravoŭ, pad jakim jon pakazvajecca i na sajtach adsočvańnia marskoha ruchu. Tankier rehularna dastaŭlaŭ naftu ŭ porty Kitaja i Indyi.
BFMTV taksama adznačaje, što ŭ brytanskim śpisie tankieraŭ cieniavoha fłotu Rasii jon viadomy pad nazvaj Grinch, a ŭ jeŭrapiejskim i amierykanskim — jak Carl.
Zdabyča nafty ŭ Rasii ŭpała da minimumu za apošnija 16 hadoŭ
Francyja zatrymała ŭ Mižziemnym mory tankier rasijskaha cieniavoha fłotu
Hiermanija ŭpieršyniu nie prapuściła tankier rasijskaha cieniavoha fłotu praz svaje terytaryjalnyja vody
Tramp vyrašyŭ zachoplivać rasijskija tankiery, bo Pucin jaho «stamiŭ»
Zatrymać siońnia naftavy tankier amierykancam dapamahli ŭłady Vieniesueły. Tramp imi zadavoleny
Kamientary