Iranskija katary chacieli ŭziać na abardaž amierykanski tankier
Ranicaj 3 lutaha ŭ Armuzskim pralivie šeść uzbrojenych iranskich kataraŭ nablizilisia da tankiera Stena Imperative, jaki išoŭ pad ściaham ZŠA. Pavodle krynic Reuters, maraki z kataraŭ zapatrabavali, kab sudna spyniła ruch i padrychtavałasia da abardažu, adnak tankier pavialičyŭ chutkaść i praciahnuŭ šlach. Paźniej jaho supravadžaŭ amierykanski vajskovy karabiel.
Tankier Stena Imperative. Zdymak ilustracyjny. Fota: vesselfinder.com
Iranskija ŭłady śćviardžajuć, što tankier nibyta zajšoŭ u terytaryjalnyja vody Irana i pakinuŭ ich paśla papiaredžańnia bieź incydentaŭ, ale Reuters adznačaje, što sudna ŭ iranskija vody nie ŭvachodziła.
U toj ža dzień amierykanski źniščalnik F-35 źbiŭ iranski bieśpiłotnik, jaki nakiroŭvaŭsia da avijanosca ZŠA Abraham Lincoln u Aravijskim mory, paviedamlaje Bloomberg. U Centralnym kamandavańni ZŠA zajavili, što heta było zroblena ŭ metach samaabarony, bo dron niebiaśpiečna zbližaŭsia z karablom i mieŭ niezrazumiełyja namiery.
Na fonie hetych incydentaŭ ZŠA i Iran rychtujucca da pieramoŭ ab iranskaj jadziernaj prahramie, zapłanavanych na 6 lutaha. Iran prapanuje pieranieści sustreču sa Stambuła ŭ Aman. Raniej u Vašynhtonie nie vyklučali mahčymaść vajskovaha ŭdaru pa Iranie, adnak prezident ZŠA Donald Tramp zajaviŭ, što z Tehieranam iduć surjoznyja pieramovy i dalejšyja rašeńni buduć zaležać ad ich vynikaŭ.
Čytajcie taksama:
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
Tramp ściahnuŭ da bierahoŭ Irana mahutnuju armadu, i ciapier vyrašaje, što ź joju rabić
Saudaŭskaja Aravija niepublična padtrymała mahčymy ŭdar ZŠA pa Iranie
«Čas zakančvajecca». Tramp pahražaje Iranu novymi ŭdarami
Tramp vystaviŭ Iranu ultymatum na fonie nabližeńnia da jaho bierahoŭ «vializnaj armady»