Tramp ściahnuŭ da bierahoŭ Irana mahutnuju armadu, i ciapier vyrašaje, što ź joju rabić
U rasparadžeńni Donalda Trampa na Blizkim Uschodzie źjaviŭsia mahutny vajskovy kułak. Zaraz amierykanski prezident vyrašaje, jak jaho vykarystać: źniščyć jadziernyja abjekty, razbambić rakietnyja arsienały ci pasprabavać całkam zrynuć režym ajatołaŭ, piša WSJ.
Vajenna-marskija siły ZŠA, uklučajučy avijanosiec USS Abraham Lincoln, užo zaniali pazicyi, ź jakich mohuć nanieści ŭdar pa luboj kropcy Irana. U Biełym domie iduć haračyja sprečki ab dalejšych krokach.
Tramp patrabuje ad daradcaŭ varyjantaŭ chutkaj i vyrašalnaj ataki, jakaja b nie pierarasła ŭ zaciažnuju vajnu, ale prymusiła b Tehieran vykanać patrabavańni Vašynhtona.
Administracyja razhladaje niekalki scenaryjaŭ, piša vydańnie.
Heta maštabnaja kampanija pa bambavańni abjektaŭ Korpusa vartavych isłamskaj revalucyi (KVIR) i klučavoj infrastruktury; kropkavyja ŭdary: ataka na jadziernyja centry i rakietnyja składy; źmiena ŭłady ŭ Iranie.
Sam Tramp vykazvajecca ŭ svaim styli. Kamientujučy kancentracyju karabloŭ, jon zajaviŭ: «Jany pavinny niedzie płavać. Dyk niachaj užo płavajuć kala Irana».
U čym ryzyka?
Vajennyja ekśpierty papiaredžvajuć: prostych rašeńniaŭ niama. Iran, choć i asłableny, usio jašče moža adkazać masiravanymi ŭdarami dronaŭ i rakiet pa amierykanskich bazach i sajuźnikach, u pryvatnaści pa Izraili.
Akramia taho, zastajecca pytańnie «nastupnaha dnia». Dziaržsakratar Marka Rubia pryznaje: nichto dakładna nie viedaje, što budzie z krainaj, kali Ali Chamieniei sydzie. Jość vysokaja imaviernaść, što ŭładu zachopiać jašče bolš radykalnyja hienierały KVIR.
Pakul Tramp trymaje paŭzu i zachoŭvaje nieadnaznačnaść, vykarystoŭvajučy pahrozu siłaj jak ryčah dla dypłamatyčnaha cisku. Tehieran užo zajaviŭ ab hatoŭnaści da pieramoŭ, ale patrabuje spynić vajennyja pahrozy.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu8
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
[Zredahavana]
nie buduć jany nikudy zachodzić.
Karabiel ciažkavata ŭ haru pierci.
Pabambiać krychu, moža ŭkraduć kaho.
Abvieściać pieramohu i palaciać.