Tramp vystaviŭ Iranu ultymatum na fonie nabližeńnia da jaho bierahoŭ «vializnaj armady»
Prezident ZŠA Donald Tramp zajaviŭ, što da bierahoŭ Irana nabližajecca mahutny amierykanski fłot. Jon zaklikaŭ Tehieran nieadkładna sieści za stoł pieramoŭ dla zaklučeńnia jadziernaj damovy, pahražajučy mocnym udaram. Pra heta Tramp napisaŭ u sacsietcy Truth Social.
Pa słovach Trampa, avijanosnaja ŭdarnaja hrupa na čale z avijanoscam «Aŭraam Linkaln» užo nakiroŭvajecca ŭ rehijon. Jon adznačyŭ, što pa sile hety fłot značna pieraŭzychodzić siły, jakija raniej ZŠA razharnuli kala Vieniesueły.
«Vializnaja armada ruchajecca da Irana. Jana idzie chutka, ź vialikaj siłaj, entuzijazmam i metanakiravanaściu… Jak i ŭ vypadku ź Vieniesuełaj, fłot hatovy, žadaje i zdolny chutka vykanać svaju misiju ź imklivaściu i siłaj, kali heta budzie nieabchodna», — piša Tramp.
Prezident ZŠA padkreśliŭ, što hałoŭnaj umovaj Vašynhtona zastajecca admova Tehierana ad jadziernych ambicyj. Jon zaklikaŭ ułady Irana zaklučyć «spraviadlivuju ździełku», jakaja harantavała b adsutnaść jadziernaj zbroi.
«Jak ja ŭžo kazaŭ Iranu raniej — zaklučycie ździełku! Jany hetaha nie zrabili, i adbyłasia apieracyja «Paŭnočny mołat», jakaja naniesła značnyja razbureńni ŭ Iranie. Nastupny ŭdar budzie značna horšym! Nie dapuścicie paŭtareńnia», — adznačyŭ Tramp.
Napiaredadni paviedamlałasia, što avijanosnaja ŭdarnaja hrupa ZŠA z avijanoscam «Aŭraam Linkaln» užo prybyła ŭ Indyjski akijan, u zonu adkaznaści Centralnaha kamandavańnia ZŠA (CENTCOM). Raniej ŚMI paviedamlali, što Tramp atrymaŭ šmat spravazdač amierykanskaj raźviedki pra toje, što režym u Iranie ciapier znachodzicca ŭ najsłabiejšaj pazicyi z časoŭ revalucyi 1979 hoda.
Ciapier čytajuć
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy12
Kamientary
[Zredahavana]
Ryžij marazmatik užie zabył pro Iran i sobrałsia idti na Kanadu
tapić toj posud da razhortvańnia.
buduć sopli žavać - kabzda im.