Tramp zajaviŭ, što ŭžo spyniŭ niekalki jadziernych vojnaŭ. U tym liku pamiž Rasijaj i Ukrainaj
Prezident ZŠA Donald Tramp zajaviŭ, što jamu ŭdałosia praduchilić niekalki jadziernych vojnaŭ u śviecie, u tym liku mahčymy jadzierny kanflikt pamiž Rasijaj i Ukrainaj. Pra heta jon napisaŭ u sacyjalnaj sietcy Truth Social.
Donald Tramp. Fota: Win McNamee / Getty Images
Tramp padkreśliŭ, što Złučanyja Štaty źjaŭlajucca najmacniejšaj krainaj u śviecie i što padčas svajho pieršaha prezidenckaha terminu jon całkam adnaviŭ amierykanskuju armiju. Pavodle Trampa, heta ŭklučała stvareńnie novaj i madernizacyju najaŭnaj jadziernaj zbroi, a taksama farmavańnie kaśmičnych vojskaŭ.
Tramp taksama paviedamiŭ, što ciapier praciahvaje naroščvać vajskovuju moc ZŠA da biesprecedentnaha ŭzroŭniu, u tym liku za košt budaŭnictva bajavych karabloŭ, jakija, pavodle jaho słoŭ, u sotni razoŭ macniejšyja za linkory časoŭ Druhoj suśvietnaj vajny.
Na hetym fonie jon zajaviŭ, što zdoleŭ spynić jadziernyja pahrozy pamiž šeraham krain — u pryvatnaści pamiž Pakistanam i Indyjaj, Iranam i Izrailem, a taksama pamiž Rasijaj i Ukrainaj.
«Zamiest taho kab padaŭžać «SNU-3» (drenna zroblenaja Złučanymi Štatami ździełka, jakaja, akramia ŭsiaho inšaha, hruba parušajecca), my pavinny dazvolić našym ekśpiertam pa jadziernych pytańniach pracavać nad novaj, palepšanaj i madernizavanaj damovaj, jakaja zmoža dziejničać doŭha ŭ budučyni», — padsumavaŭ svoj dopis Tramp.
Čytajcie taksama:
Rasija i ZŠA damovilisia adnavić vajskovy dyjałoh na vysokim uzroŭni
Rasija zajaviła, što bolš nie ličyć siabie źviazanaj damovaj ab abmiežavańni jadziernaha arsienała
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
Tramp ściahnuŭ da bierahoŭ Irana mahutnuju armadu, i ciapier vyrašaje, što ź joju rabić