Rasija zajaviła, što bolš nie ličyć siabie źviazanaj damovaj ab abmiežavańni jadziernaha arsienała
Rasija zajaviła, što bolš nie ličyć siabie abaviazanaj vykonvać abmiežavańni na jadzierny arsienał u suviazi z zakančeńniem terminu dziejańnia rasijska-amierykanskaj damovy SNU-3, jakaja aficyjna spyniaje dziejnaść 5 lutaha. Adpaviednuju zajavu MZS RF apublikavała 4 lutaha.
U viedamstvie adznačyli, što z momantu zaviaršeńnia damovy jaje ŭdzielniki bolš nie źviazanyja nijakimi ŭzajemnymi abaviazkami, u tym liku klučavymi pałažeńniami ab kantroli nad jadziernymi ŭzbrajeńniami, i mohuć samastojna vyznačać dalejšyja kroki. Taksama ŭ MZS padkreślili hatoŭnaść Rasii prymać vajenna-techničnyja miery ŭ adkaz na mahčymyja pahrozy nacyjanalnaj biaśpiecy.
Pry hetym rasijski bok zajaviŭ, što ŭ budučyni zastajecca adkrytym da palityka-dypłamatyčnaha dyjałohu i pošuku šlachoŭ stabilizacyi stratehičnaj situacyi, kali dla hetaha buduć stvoranyja adpaviednyja ŭmovy.
Damova SNU-3, viadomaja taksama jak New START, była apošnim bujnym pahadnieńniem pamiž ZŠA i Rasijaj u śfiery skaračeńnia i abmiežavańnia stratehičnych jadziernych uzbrajeńniaŭ. Jaje padpisali ŭ 2010 hodzie, a moc damova nabyła ŭ 2011-m. Paśla zakančeńnia jaje dziejańnia śviet upieršyniu za mnohija dziesiacihodździ zastajecca bieź jurydyčnaha miechanizmu kantrolu nad jadziernymi arsienałami najbujniejšych dziaržaŭ.
Raniej rasijskija čynoŭniki ŭžo zajaŭlali pra hatoŭnaść krainy isnavać u novych umovach biez padobnych abmiežavańniaŭ. U svaju čarhu, prezident ZŠA Donald Tramp adznačaŭ, što dazvolić damovie spynić dziejańnie, ale vystupaŭ za zaklučeńnie novaha, bolš vyhadnaha pahadnieńnia. U 2023 hodzie Uładzimir Pucin abviaściŭ pra prypynieńnie ŭdziełu Rasii ŭ SNU-3, chacia sama damova nie praduhledžvaje takoj pracedury.
«Časy źmianilisia». U Hiermanii zaklikajuć da stvareńnia jeŭrapiejskaj atamnaj bomby
Raźviedka ZŠA: Biełaruś stała pieradavym vajskovym płacdarmam Rasii
U novaj abaronnaj stratehii ZŠA nazvali Rasiju «pastajannaj, ale kantralavanaj pahrozaj»
U Jeŭropie abmiarkoŭvajuć stvareńnie jak alternatyvy NATA novaha abarončaha sajuza z udziełam Ukrainy
Pucin prapanavaŭ Trampu pahavaryć pra ździełku pa jadziernaj zbroi
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary