Rasija i ZŠA damovilisia adnavić vajskovy dyjałoh na vysokim uzroŭni
Rasija i ZŠA damovilisia adnavić vajskovy dyjałoh na vysokim uzroŭni, paviedamlaje karespandent ahienctva Associated Press sa spasyłkaj na Jeŭrapiejskaje kamandavańnie Uzbrojenych sił ZŠA. Heta rašeńnie było pryniata paśla sustreč u Abu-Dabi pamiž vysokapastaŭlenymi pradstaŭnikami amierykanskich i rasijskich vajskoŭcaŭ.
Miarkujecca, što novy kanał suviazi dazvolić padtrymlivać pastajanny kantakt pamiž vajskoŭcami i spryjać pošuku tryvałaha miru. Raniej suviaź na vysokim uzroŭni pamiž Rasijaj i ZŠA była prypynienaja ŭ 2021 hodzie, niepasredna pierad pačatkam vajny va Ukrainie.
Akramia taho, Rasija i ZŠA nablizilisia da pahadnieńnia ab praciahnieńni Damovy ab skaračeńni stratehičnych nastupalnych uzbrajeńniaŭ (DSNU), termin dziejańnia jakoj skančajecca 5 lutaha. Choć jurydyčnaje afarmleńnie padaŭžeńnia pakul nie płanujecca, baki damovilisia «dobrasumlenna vykonvać jaje ŭmovy» jašče jak minimum šeść miesiacaŭ, padčas jakich buduć vieścisia pieramovy pra novaje pahadnieńnie. Raniej prezident Rasii Uładzimir Pucin zajaviŭ, što Rasija hatova zachoŭvać kolkasnyja abmiežavańni DSNU jašče hod paśla skančeńnia dziejańnia damovy, kali ZŠA zrobiać anałahična.
Pakul aficyjnych kamientaroŭ z boku Kramla i Biełaha doma pa vynikach pieramoŭ nie pastupała, ale pradstaŭniki Rasii adznačyli, što buduć praciahvać dyjałoh pry ŭmovie kanstruktyŭnaha adkazu ZŠA.
DSNU zastajecca apošnim dakumientalnym abmiežavańniem, jakoje strymlivaje jadziernyja arsienały Rasii i ZŠA, jakija razam vałodajuć kala 85% usich jadziernych bojehałovak u śviecie.
Rasija zajaviła, što bolš nie ličyć siabie źviazanaj damovaj ab abmiežavańni jadziernaha arsienała
Tramp ściahnuŭ da bierahoŭ Irana mahutnuju armadu, i ciapier vyrašaje, što ź joju rabić
Raźviedka ZŠA: Biełaruś stała pieradavym vajskovym płacdarmam Rasii
«Časy źmianilisia». U Hiermanii zaklikajuć da stvareńnia jeŭrapiejskaj atamnaj bomby
Kamientary