Tramp zajaviŭ, što pavinien udzielničać u vybary novaha lidara Irana
U razmovie z vydańniem Axios prezident ZŠA Donald Tramp zajaviŭ, što pavinien udzielničać u padbory kandydatury na rolu novaha lidara Irana. Pry hetym syna zabitaha ajatały Ali Chamieniei jon prydatnaj kandydaturaj nie ličyć.
Donald Tramp. Fota: Win McNamee/Getty Images
«Jany darma traciać čas. Syn Chamieniei — nie ciažkavahavik», — skazaŭ Tramp Axios, majučy na ŭvazie paviedamleńni, što hałoŭnym kandydatam u pierajemniki zabitaha ŭ subotu viarchoŭnaha lidara Irana ajatały Ali Chamieniei źjaŭlajecca jaho syn Madžtaba.
«Ja pavinien udzielničać u pryznačeńni, jak z Dełsi [Radryhies] u Vieniesuele. Syn Chamieniei dla mianie nieprymalny. My chočam kahości, chto pryniasie Iranu mir i harmoniju», — zajaviŭ Tramp.
Dełsi Radryhies zaniała pasadu časovaj prezidentki Vieniesueły ŭ studzieni 2026 hoda paśla zachopu amierykancami raniejšaha lidara Nikałasa Madura, pry jakim Radryhies była vice-prezidentkaj.
Čytajcie taksama:
Izrail budzie ličyć luboha novaha lidara Irana «biezumoŭnaj mišeńniu dla likvidacyi»