Stała viadoma, za što hod tamu sudzili Volhu Bondaravu

Akazvajecca, Volha Bondarava vypadkova apublikavała infarmacyju z «ekstremisckaha» sajta ŭ svaim telehram-kanale, pakul zmahałasia z błohieram Dzim Dzimyčam i jaho pradziusaram Flagman Music. Pra heta ŭ zvarocie raskazali jaje paplečniki — dakumient jość u redakcyi vydańnia Hrodna.life. 

Volha Bondarava. Skrynšot ź videa

«Volhu Bondaravu, jakaja abaraniała našych dziaciej ad zhubnaha ŭpłyvu Dzim Dzimyča, pasadzili na 2 tydni ŭ turmu za nieaściarožna raźmieščanuju infarmacyju z ekstremisckaha sajta ŭ svaim TH-kanale, pryznali ekstremistkaj, adličyli z apošniaha kursu ŭniviersiteta, pastavili taŭro, zhodna ź jakim jana nie zmoža zajmać dziaržaŭnyja pasady (mahčyma, što i jaje dzieci)», — pišuć u zvarocie suprać «akultyzmu» jaje paplečniki.

Jany taksama paprasili pryznać užytaje da Volhi Bondaravaj pakarańnie nieadpaviednym «pravinie», adnavić jaje va ŭniviersitecie. A jašče — pravieści pravierku, ci nie źjaŭlajecca takoje strohaje pakarańnie za niaznačnuju pravinu zapałochvańniem čałavieka.

Kampanija Flagman Music zajmajecca pradziusavańniem artystaŭ i błohieraŭ, u tym liku — Dźmitryja Siŭčyka (Dzim Dzimyča). Bondarava abvinavaciła jaho ŭ ŁHBT-prapahandzie, niehatyŭnym staŭleńni da siłavych struktur i matyvacyi da sacyjalna-niebiaśpiečnych pavodzin. Paśla hetaha kampanija zajaviła pazoŭ da aktyvistki. Urešcie baki pahadzilisia vyrašyć spravu praź miedyjatara.

Na 13 sutak prarasijskuju aktyvistku Volhu Bondaravu pasadzili ŭ sakaviku 2025 hoda.

Kamientary da artykuła