Danosčycu Volhu Bondaravu adličyli ź Pieduniviersiteta paśla 13 sutak na Akreścina
Volha Bondarava, viadomaja svajoj prarasijskaj aktyŭnaściu, z 2022 hoda navučałasia na dzionnym adździaleńni fiłałahičnaha fakulteta Biełaruskaha dziaržaŭnaha piedahahičnaha ŭniviersiteta imia Maksima Tanka pa śpiecyjalnaści «Biełaruskaja mova i litaratura».
26 sakavika 2025 hoda Bondarava była asudžana na 13 sutak administracyjnaha aryštu pavodle «ekstremisckaha» artykuła, bo «niešta pierapościła». 9 krasavika stała viadoma, što aktyvistka vyjšła na volu.
Žurnalistka «Lusterka» źviarnułasia ŭ dekanat fiłfaka BDPU pad vyhladam kalehi Bondaravaj, kab pacikavicca, ci naviedvaje Volha zaniatki paśla vyzvaleńnia.
— Jaje adličyli na minułym tydni z univiersiteta, — paviedamiła supracoŭnica VNU.
— Atrymajecca, što tyja prahuły, jakija ŭ jaje byli, paličyli niaŭvažlivaj pryčynaj?
— Nu tak, niaŭvažlivaja pryčyna. Jaje adličyli na minułym tydni.
Nahadajem, u studzieni 2022 hoda ŭ Kodeks ab adukacyi byli ŭniesieny źmieny, jakija dazvolili adličvać studentaŭ, što trapili na «sutki». Padpunkt 5.18.1 p. 5 art. 68 Kodeksa havoryć, što heta možna zrabić «u suviazi z adbyvańniem administracyjnaha spahnańnia ŭ vyhladzie administracyjnaha aryštu».
Pavodle słoŭ člena Rady arhanizacyi «Zadzinočańnie biełaruskich studentaŭ» Jaŭhiena Dzianisienki, mienavita hetym padstavaj ciapier karystajucca VNU, kab adličvać studentaŭ, jakija trapili pad administracyjny aryšt.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»3
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary