Biełaruskija błohiery-miljońniki, ź jakimi zmahajecca Bondarava, dali kancert u akupavanym Krymie
Dzim Dzimyč i Andžališa, jakim Volha Bondarava raniej krychu sapsavała letni tur, vykłali videa vystupleńniaŭ u Krymie.
Pradziusiruje Dzim Dzimyča (Dźmitryj Siŭčyk) i Andžališu (Anhielina Michalova) «Fłahman Mjuzik» — kampanija, jakaja ciesna źviazana ź niaviestkaj Łukašenki Hannaj Siałuk. Błohieraŭ, darečy, pryciahnuli i da prapahandy — jany śpiavajuć pieśni ŭ padtrymku Łukašenki, nosiać jaho mierč i vystupali na «Marafonie adzinstva».
Prarasijskaja aktyvistka Volha Bondarava ž abvinavačvaje maładych vykanaŭcaŭ u prapahandzie ŁHBT, hvałtu i narkotykaŭ. Sioleta jana chvaliłasia, što prakuratura Krasnadarskaha kraju Rasii zabaraniła tur Dzim Dzimyča, Ulki Pulki i Andžališy pa poŭdni Rasii (byli zapłanavanyja kancerty ŭ Anapie, Hielendžyku, Łazaraŭskim i Sočy).
Učora Dzim Dzimyč pachvaliŭsia ŭ instahramie, što daŭ kancert u akupavanym Rasijaj Krymie — u parku «Ekstrym Krym» u vioscy Alenieŭka. Raspavioŭ, što paśpieŭ jašče i krychu adpačyć. Andžališa taksama vystupała na adnoj scenie ź im.
Niebolšoj vłoh s Kryma
Što tyčycca jašče adnoj raniejšaj aktyŭnaj udzielnicy takich turaŭ błohieraŭ — Ulki Pulki, — jana praz kanflikt syšła z «Fłahman Mjuzik». Usie svaje staronki ŭ sacyjalnych sietkach błohierka pakinuła va ŭłasnaści muzyčnaj kampanii. Tolki na YouTube-kanale Uljana mieła bolš za 3 miljony padpisčykaŭ.
Ciapier sprabuje pačać usio z nula ŭžo pad svaim realnym proźviščam — Uljana Stalarova. Pijaryć błohierku budzie rasijskaja kampanija «DNK-mjuzik».
Kamientary