Błohier, na jakoha pisała danosy Volha Bondarava, apublikavaŭ sumiesny zdymak z Kolem Łukašenkam
Paśla pieryjadu danosaŭ prarasijskich aktyvistaŭ i zabarony na vystupy dziciačy błohier-miljońnik Dzim Dzimyč vyjšaŭ na novy ŭzrovień prystasavańnia da situacyi — ciapier jon apublikavaŭ sumiesnaje fota z synam Alaksandra Łukašenki Mikałajem.
«Čas vybraŭ nas», — padpisaŭ zdymak Dzim Dzimyč.
Dzim Dzimyč staŭ šyroka viadomy pa-za miežami svajoj aŭdytoryi, dziakujučy danosam Volhi Bondaravaj i jaje paplečnikaŭ. Jany vinavacili błohiera ŭ ŁHBT-prapahandzie. Taksama Bondarava aburałasia, što błohier apranajecca ŭ ružovaje, a ŭ niekatorych žartaŭlivych rolikach byŭ u sukiency.
Paśla jaje skarhaŭ z sajta «Jeŭraopta» źniali rekłamu ź Dzim Dzimyčam, a jaho samoha adpravili ŭ efir da prapahandysta Ryhora Azaronka.
Paźniej błohiera-miljońnika vyklikali ŭ Ministerstva kultury. «Tam my parazmaŭlali nakont majho kantentu, unieśli pravilnyja karekciroŭki», — raspavioŭ błohier u instahramie.
Paśla danosaŭ Dzim Dzimyču zabaranili vystupać u škołach. Jon padavaŭ u sud na Bondaravu i, pavodle jaje słoŭ, prajhraŭ jaho.
Niadaŭna stała viadoma, što ź Dzim Dzimyčam, Saładucham i Jarmolenkam dla Łukašenki zapisali pieśniu «Nado!» Sprava navat dajšła da sproby ŭstupleńnia ŭ łukašenkaŭskuju partyju.
Ciapier Dzim Dzimyč jeździć pa pieradvybarčych ahitacyjnych łukašenkaŭskich marafonach. Vyhladaje, tam i byŭ zrobleny zdymak z Kolem Łukašenkam.
-
«Zarobak u try razy vyšejšy, čym doma». Biełarus raskazaŭ, jak papracavaŭ u Jehipcie na budaŭnictvie AES
-
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB
-
Maładuju dziaŭčynu z Baranavič, jakaja vučyłasia na piedahoha ŭ Hrodnie, aryštavali pa «spravie Hajuna»
Ciapier čytajuć
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB12
Kamientary
Jany vydatna pakazali, što hrošy dla vas kudy važniejšyja, čym honar i hodnaść.