Indyjskija vajskovyja karabli pačali supravadžać tankiery ŭ Armuzskim pralivie

Indyjskija vajskovyja karabli pačali supravadžać tankiery ŭ Armuzskim pralivie, kab harantavać biaśpieku transpartavańnia nafty i hazu, paviedamlaje vydańnie The Economic Times.

Indyjski tankier Nanda Devi. Zdymak ilustracyjny. Fota: vesselfinder.com

Asablivaja ŭvaha nadajucca dvum tankieram dziaržaŭnaj kampanii Shipping Corporation of India — Shivalik i Nanda Devi, jakija pieravoziać zvadkavany haz. Pad achovaj VMS Indyi abodva sudny biaśpiečna prajšli praliŭ i ciapier ruchajucca da Indyi.

Jak paviedamlaje The Economic Times, indyjski fłot padtrymlivaje pastajannuju prysutnaść u Armuzskim pralivie. Vajskovyja karabli nahladajuć za handlovymi sudnami, što nakiroŭvajucca ŭ indyjskija porty. Hetaja misija ŭvachodzić u skład «Apieracyi Sankałp», jakuju indyjski fłot pačaŭ 19 červienia 2019 hoda dla abarony svaich sudnaŭ u rehijonie Piersidskaha zaliva. Z pačatku apieracyi ŭ Amanskim i Piersidskim zalivach zadziejničana ŭsiaho 23 vajskovyja karabli.

Armuzski praliŭ źjaŭlajecca adnym z klučavych maršrutaŭ transpartavańnia nafty i hazu, i ciapier na sudnach u hetym rehijonie pracuje kala 23 000 indyjskich marakoŭ.

Raniej paviedamlałasia, što košt rasijskaj nafty Urals, jakaja pastaŭlajecca ŭ Indyju, dasiahnuŭ čatyrochhadovaha rekordu — 98,93 dalara za baral u zachodnich partach Indyi, u toj čas jak u Rasii nafta kaštavała 73,73 dalara za baral. Padniaćcie hetych cenaŭ źviazana z ahulnym pavieličeńniem suśvietnych cen na naftu na fonie vajny na Blizkim Uschodzie.

Kamientary da artykuła