Tramp: Kali NATA admovicca dapamahać z Armuzskim pralivam, Aljans čakaje «vielmi drennaja budučynia»
«U nas jość takaja reč, jak NATA… My byli vielmi dobrymi», — skazaŭ prezident ZŠA.
Donald Tramp skazaŭ, što NATA čakaje drennaja budučynia, kali Aljans admovicca dapamahčy Vašynhtonu harantavać biaśpieku situacyi ŭ Armuzskim pralivie, pra heta prezident ZŠA zajaviŭ u intervju Financial Times.
Prezident ZŠA taksama adznačyŭ, što ZŠA nie byli abaviazanyja dapamahać z Ukrainaj.
«U nas jość takaja reč, jak NATA… My byli vielmi dobrymi. My nie musili dapamahać im (krainam ES) z Ukrainaj. Ukraina znachodzicca za tysiačy mil ad nas… Ale my dapamahli im. Ciapier pahladzim, ci dapamohuć jany nam. Bo ja daŭno kazaŭ, što my budziem pobač ź imi, ale jany nie buduć pobač z nami. I ja nie ŭpeŭnieny, što jany buduć pobač», — skazaŭ jon.
Pavodle słoŭ Trampa, Jeŭropa i Kitaj atrymlivajuć značnuju častku svajoj nafty praz Armuzski praliŭ, tamu pavinny dałučycca da padtrymańnia «paradku», bo sami źjaŭlajucca bienieficyjarami hetaha klučavoha maršrutu.
«Całkam łahična, što tyja, chto atrymlivaje vyhadu ad praliva, dapamohuć zabiaśpiečyć, kab tam ničoha drennaha nie adbyłosia», — dadaŭ jon.
Prezident ZŠA zajaviŭ u subotu, što mnohija krainy nakirujuć vajennyja karabli, kab zachavać Armuzski praliŭ adkrytym.
Taksama Tramp skazaŭ, što Złučanyja Štaty całkam pieramahli Iran u vajennym, ekanamičnym i inšych aśpiektach, ale krainy śvietu pavinny pakłapacicca pra biaśpieku Armuzskaha praliva.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam18
Kamientary
Razhaniaj trackistaú !