U toj čas jak śviet pakutuje ad rostu cen na paliva, naftavy siektar ZŠA rychtujecca da rekordnaha ŭzbahačeńnia.
ZŠA mohuć stać adnymi z najbujniejšych atrymalnikaŭ vyhady ad rostu cen na enierhanośbity na fonie kanfliktu na Blizkim Uschodzie, piša Financial Times.
Analityki kampanii Rystad Energy padličyli, što kali siaredniaja cana na naftu ŭ 2026 hodzie ŭtrymajecca na ŭzroŭni $100 za barel, heta pryniasie amierykanskim vytvorcam kałasalnyja $63,4 młrd dadatkovaha prybytku. Inviestycyjny bank Jefferies dadaje apieratyŭnyja dadzienyja: tolki za sakavik 2026 hoda naftavyja kampanii ZŠA atrymajuć dadatkovyja $5 młrd.
Rost cen na naftu ciśnie na ekanomiku ZŠA, bo ŭ krainie vyraśli ceny na bienzin i dyzielnaje paliva, a taksama na mnostva tavaraŭ i pasłuh. Adnak, u adroźnieńnie ad naftavych kryzisaŭ minułych hadoŭ, u hetym vypadku ZŠA sami źjaŭlajucca bujnym vytvorcam nafty, što zabiaśpiečvaje ekanomicy abaronu ad najhoršych nastupstvaŭ.
Naftavy bum dazvolić amierykanskim štatam Techas, Ńju-Mieksika i Alaska nakiravać zvyšprybytki na sacyjalnyja prahramy i likvidacyju deficytu biudžetu. «U kančatkovym vyniku heta aznačaje bolš pracoŭnych miescaŭ i bolš mahčymaściaŭ dla ludziej», — dadaje mer horada Chobs Džonatan Siena.
Bolš za ŭsio ad kanjunktury vyjhrajuć słancavyja kampanii, čyje aktyvy skancentravany ŭ ZŠA. Ale dla takich hihantaŭ, jak ExxonMobil ci Chevron, situacyja ciažejšaja, bo ich aktyvy ŭ Piersidskim zalivie apynulisia pad udaram praz błakavańnie Armuzskaha praliva.
Ekśpierty papiaredžvajuć, što kali praliŭ budzie zabłakavany doŭha, cana moža ŭźlacieć jašče bolš, što pryviadzie suśvietnuju ekanomiku da ciažkich nastupstvaŭ.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary