Vialikabrytanija i Hiermanija admovilisia adpraŭlać karabli ŭ Armuzski praliŭ
Vialikabrytanija i jašče niekalki jeŭrapiejskich krain nie padtrymali zaklik prezidenta ZŠA Donalda Trampa nakiravać vajskovyja karabli dla razbłakavańnia Armuzskaha praliva. Tramp pierad tym papiaredziŭ, što dla NATA budzie drennym znakam, kali sajuźniki admoviacca dapamahčy ŭ achovie hetaj važnaj marskoj arteryi, piša The Moscow Times.
Raniej prezident Francyi Emanuel Makron zajaŭlaŭ pra mahčymaść nakiravańnia ŭ rehijon avijanosnaj hrupy. Adnak Vialikabrytanija, Hiermanija, Hrecyja, Italija, Ispanija i Luksiemburh vystupili suprać pašyreńnia vajskovaha ŭdziełu ŭ kanflikcie vakoł Irana.
Brytanski premjer Kir Starmier adznačyŭ, što jahonaja kraina nie choča ŭciahvacca ŭ maštabnuju vajnu. Pavodle jaho słoŭ, Łondan razam z sajuźnikami šukaje kalektyŭnaje rašeńnie, jakoje dapamoža adnavić pracu Armuzskaha praliva i stabilizavać naftavy rynak. Pry hetym Vialikabrytanija ŭžo raźmiaściła ŭ rehijonie aŭtanomnyja sistemy dla pošuku marskich min.
Ministr abarony Hiermanii Barys Pistoryus taksama adchiliŭ patrabavańnie ZŠA adpravić fłot u hety rajon, zajaviŭšy, što heta nie vajna Hiermanii. Niamieckija ŭłady ličać, što kanflikt treba jak maha chutčej zaviaršyć dypłamatyčnym šlacham, a pavieličeńnie vajskovaj prysutnaści tolki ŭskładnić situacyju. Raniej kiraŭnik MZS Hiermanii taksama padkreślivaŭ, što Bierlin nie budzie ŭdzielničać u vajennaj apieracyi ŭ hetym rehijonie.
Hrecyja taksama zajaviła, što nie płanuje pravodzić nijakich vajennych apieracyj u Armuzskim pralivie. Afiny hatovyja ŭdzielničać tolki ŭ misii Jeŭrasajuza pa abaronie sudnaŭ u Čyrvonym mory.
Ispanija taksama admoviłasia padtrymlivać vajennyja dziejańni. Ministr abarony Marharyta Robles zajaviła, što hałoŭnaja meta pavinna zaklučacca ŭ jak maha chutčejšym spynieńni vajny, a nie ŭ jaje pašyreńni. Ministarka zamiežnych spraŭ Ispanii dadała, što kraina nie budzie rabić krokaŭ, jakija mohuć jašče bolš abvastryć situacyju.
Sumnieńni nakont pašyreńnia vajennych misij u hetym rajonie vykazaŭ i vice-premjer Italii Antonia Tajani.
Suprać adpraŭki vojskaŭ vystupiŭ i Luksiemburh. Namieśnik premjer-ministra Ksaŭje Bietel zajaviŭ, što kraina nie paddasca cisku i šantažu z boku ZŠA. Pavodle jaho słoŭ, Luksiemburh moža dapamahčy ŭ halinie suviazi abo spadarožnikavych technałohij, ale nie budzie nakiroŭvać u rehijon vojski ci vajskovuju techniku.
Tramp: Kali NATA admovicca dapamahać z Armuzskim pralivam, Aljans čakaje «vielmi drennaja budučynia»
Vajna ź Iranam — załataja žyła dla amierykanskich naftavikoŭ
Ministr zamiežnych spraŭ Irana: Armuzski praliŭ zakryty tolki dla vorahaŭ, astatnija mohuć prachodzić
Tramp zaklikaŭ krainy, jakija paciarpieli ad zakryćcia Armuzskaha praliva, nakiravać tudy vajskovyja karabli
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary