U Jeŭrasajuzie razhladajuć mahčymaść źmieny mandata svajoj vajskova-marskoj misii na Blizkim Uschodzie
Kiraŭnica dypłamatyi Jeŭrasajuza Kaja Kałas zajaviła, što moža prapanavać źmianić mandat vajskova-marskoj misii ES Aspides dla Blizkaha Uschodu. Meta źmianieńnia — harantavać biaśpieku Armuzskaha praliva, praź jaki transpartujecca kala piataj častki suśvietnaj nafty, i praduchilić mahčymyja surjoznyja zboi ŭ pastaŭkach, piša Euronews.
Misija Aspides, stvoranaja ŭ lutym 2024 hoda, ciapier maje zadačy pa achovie sudnaŭ, zabieśpiačeńni svabody sudnachodstva i manitorynhu situacyi ŭ Armuzskim pralivie i navakolnych vodach, uklučajučy Čyrvonaje mora, Adenski zaliŭ, Aravijskaje mora, Amanski i Piersidski zalivy. Adnak ciapier, u suviazi z uzmacnieńniem kryzisu, razhladajecca mahčymaść pierahladu mandata dla bolš efiektyŭnaha reahavańnia.
Hetaje abmierkavańnie adbyvajecca na fonie cisku ZŠA, kali Donald Tramp zaklikaŭ jeŭrapiejskija krainy dapamahčy adkryć Armuzski praliŭ, papiaredziŭšy pra «vielmi drennuju» budučyniu dla NATA, kali hetaha nie budzie.
Adnak čakanych vynikaŭ pakul niama. Hiermanija, naprykład, užo zajaviła, što nie budzie ŭdzielničać u pašyreńni paŭnamoctvaŭ misii, a Luksiemburh adznačyŭ, što ES nie pavinien udzielničaje niepasredna ŭ vajnie i moža dapamahać tolki technična — praz spadarožniki i suviaź, ale nie vajskovymi siłami.
Analityki adznačajuć, što źmieny mandata Aspides, chutčej za ŭsio, nie atrymajuć adzinaj padtrymki ŭsich jeŭrapiejskich krain, a meta sustrečy ministraŭ zamiežnych spraŭ ES u Brusieli — uzhadnieńnie mahčymaściaŭ i kaardynacyja dziejańniaŭ pad ehidaj ES.
Vialikabrytanija i Hiermanija admovilisia adpraŭlać karabli ŭ Armuzski praliŭ
Tramp: Kali NATA admovicca dapamahać z Armuzskim pralivam, Aljans čakaje «vielmi drennaja budučynia»
Vajna ź Iranam — załataja žyła dla amierykanskich naftavikoŭ
Ministr zamiežnych spraŭ Irana: Armuzski praliŭ zakryty tolki dla vorahaŭ, astatnija mohuć prachodzić
Tramp zaklikaŭ krainy, jakija paciarpieli ad zakryćcia Armuzskaha praliva, nakiravać tudy vajskovyja karabli
ZŠA atakavali vostraŭ Chark u Piersidskim zalivie. Praź jaho prachodzić 90% iranskaha ekspartu nafty
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary