ZŠA dazvalajuć vieźci naftu Iranu dla taho, kab jon dazvalaŭ rabić heta inšym

ZŠA pryznali, što nie pieraškadžajuć Iranu ekspartavać naftu praz Armuzski praliŭ, niahledziačy na toje, što sam Iran abstrelvaje čužyja sudny i faktyčna pieraškadžaje inšym krainam vyvozić pradukcyju ź Piersidskaha zaliva. Ministr finansaŭ ZŠA Skott Biesient zajaviŭ, što iranskija tankiery ŭžo vychodziać z praliva, i amierykanskija vajskoŭcy dazvalajuć heta, kab zabiaśpiečyć pastaŭki dla śvietu.

Zdymak ilustracyjny. Fota: AP Photo/Altaf Qadri

Zhodna z danymi za pieryjad z 28 lutaha pa 11 sakavika, Iran vyvoziŭ naftu amal u abjomach minułaha hoda — ad 1,1 da 1,5 miljonaŭ baralaŭ u dzień, u toj čas jak za ŭvieś 2025 hod siaredni ekspart składaŭ 1,69 miljona baralaŭ u sutki. Ahulnaja kolkaść vyviezienaj nafty z pačatku kanfliktu aceńvajecca ad 13,7 da 16,5 miljona baralaŭ.

Pa słovach Biesienta, tankiery buduć praciahvać ruch praz Armuzski praliŭ navat da taho, jak ZŠA i ich sajuźniki pačnuć supravadžeńnie handlovych sudnaŭ.

Amierykanskija analityki adznačajuć, što kali Iran moža svabodna ekspartavać svaju naftu, u jaho jość matyvacyja trymać praliŭ adkrytym, bo zatrymańnie jahonych tankieraŭ mahło b spravakavać poŭnaje jaho zakryćcio i novyja ataki na sudny.

Kamientary da artykuła