Biełarus sprabavaŭ uvieźci z Polščy hašyš u blašankach z-pad sadaviny
Bresckija pamiežniki za apošnija dva tydni spynili dźvie sproby ŭvozu na terytoryju Biełarusi narkotykaŭ, paviedamlaje pres-słužba Dziaržaŭnaha pamiežnaha kamiteta.
Pieršy vypadak adbyŭsia 2 sakavika ŭ punkcie propusku «Brest». U aŭtobusie «Poznań — Minsk» z dapamohaj słužbovaha sabaki źviarnuli ŭvahu na hramadzianina Biełarusi, u jakoha ŭ bahažy znajšli rečyva raślinnaha pachodžańnia. Ekśpiertyza pakazała, što heta hašyš.
Žychar Maładziečna, jaki raniej mieŭ sudzimaść za chulihanstva, chavaŭ narkotyk u blašankach z-pad kansiervavanaj sadaviny. Ahulnaja jaho masa składała kala 260 hramaŭ.
Suprać mužčyny zaviali kryminalnyja spravy za niezakonnaje pieramiaščeńnie narkotykaŭ praź miažu i ich abaračeńnie. Jamu moža pahražać da 15 hadoŭ pazbaŭleńnia voli.
Druhi vypadak adbyŭsia 15 sakavika. Žychar Viciebska, jaki jechaŭ aŭtobusam «Varšava — Viciebsk», sprabavaŭ uvieźci marychuanu. Jaho zatrymali i źmiaścili ŭ izalatar časovaha ŭtrymańnia. Ciapier adnosna jaho pravodziacca śledčyja dziejańni.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary