Kijeŭski sud padoŭžyŭ aryšt Iny Kardaš, jakuju padazrajuć u špijanažy na KDB. Jana paskardziłasia na ŭmovy ŭtrymańnia
Sud u Kijevie pradoŭžyŭ da 20 krasavika ŭtrymańnie pad vartaj biełaruski Iny Kardaš, jakuju 21 studzienia zatrymali ŭ Kijevie pavodle padazreńnia ŭ špijanažy na karyść KDB Biełarusi.
Ina Kardaš. Fota: LookByMedia
Jak stała viadoma «Svabodzie» z krynic u pravaachoŭnych orhanach Ukrainy, Inu Kardaš utrymlivajuć u Kijeŭskim śledčym izalatary.
Biełaruska nibyta skardziłasia na nienadańnie joj miedyčnaj dapamohi, a taksama na ŭmovy trymańnia. Jaje advakatka admoviłasia paviedamić detali i ad inšych kamientaroŭ «biez zhody svajoj klijentki».
Sudździa pry razhladzie chadajnictva śledstva ab padoŭžańni aryštu abaviazaŭ kiraŭnictva śledčaha izalataru zabiaśpiečyć vykanańnie pravoŭ Iny Kardaš na atrymańnie naležnaj miedyčnaj dapamohi, a taksama naležnyja ŭmovy ŭtrymańnia.
Spravu, jakuju zaviali suprać biełaruski 16 lipienia 2025 hodu, rasśleduje Hałoŭnaje śledčaje ŭpraŭleńnie Słužby biaśpieki Ukrainy.
Čytajcie taksama:
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
KDB pačaŭ karjeru Kardaš, padsunuŭšy jaje ŭ Minsku 55‑hadovamu huru ŭkrainskaj žurnalistyki
InformNapalm prosić HUR abmianiać zatrymanuju za špijanaž Kardaš na žurnalista Dzianisa Ivašyna