KDB pačaŭ karjeru Kardaš, padsunuŭšy jaje ŭ Minsku 55‑hadovamu huru ŭkrainskaj žurnalistyki
«Joj 25, jamu 55. I jon papaŭsia — kažuć, nie moh advieści vačej!»
Maładaja biełaruskaja žurnalistka Ina Kardaš zmahła nie prosta zrabić karjeru va Ukrainie, ale i atrymać dostup da dziaržaŭnych sakretaŭ praz asabistyja stasunki z upłyvovym kiraŭnikom adnaho ź viadučych infarmahienctvaŭ krainy. TSN raskazała šlach Iny Kardaš pa ŭkrainskich kalidorach ułady.
Start jaje karjery va Ukrainie daŭ 55‑hadovy huru ŭkrainskaj žurnalistyki, redaktar ahienctva, imia jakoha ŭkrainskija žurnalisty nie nazyvajuć. Ale možna lohka zdahadacca, što heta byŭ kiraŭnik infarmacyjnaha ahienctva «Interfaks-Ukraina» Alaksandr Martynienka.
Ich paznajomili ŭ 2016 hodzie ŭ Minsku, kali adbyvałasia pasiadžeńnie trochbakovaj kantaktnaj hrupy. Tam były prezident Leanid Kučma sustrakaŭsia z rasijanami pry pasiarednictvie jeŭrapiejcaŭ. Mienavita tam Inu Kardaš, maładuju biełaruskuju žurnalistku, paznajomili z kiraŭnikom viadučaha infarmacyjnaha ahienctva Ukrainy.
«Joj 25, jamu 55. I jon papaŭsia — kažuć, nie moh advieści vačej! Dy Kardaš užo tady aktyŭnaja ahientka KDB — Kamiteta dziaržaŭnaj biaśpieki Biełarusi», — raspaviadaje kanał.
Pa lehiendzie, jana apazicyjnaja žurnalistka, a tamu biasstrašna supracoŭničaje z ukrainskimi miedyja, raspaviadaje pra žyćcio ŭ Minsku. U 2020 hodzie jana aśviatlała maštabnyja pratesty suprać Łukašenki.
U rešcie rešt Ina pierabirajecca va Ukrainu, bo, jak jana kaža, joj pahražaje niebiaśpieka na radzimie. I jana telefanuje svajoj siabroŭcy i kłapatlivamu kiraŭniku ŭpłyvovaha infarmacyjnaha ahienctva.
Karjera Iny Kardaš rezka pajšła ŭhoru ŭ infarmacyjnym ahienctvie. Dziaŭčyna pryjazdžaje z-za miažy, uładkoŭvajecca na pracu žurnalistkaj u krainie, movaj jakoj nie vałodaje.
I, niahledziačy na heta, praktyčna adrazu atrymlivaje ŭłasnaha kiroŭcu, žyvie ŭ asobnym domie, i samaje hałoŭnaje, z ahulnaj redakcyi, dzie siadziać usie žurnalisty, pierabirajecca ŭ kabiniet kiraŭnika.
Kalehi kažuć, što časam nie mahli źviarnucca da jaho pa paradu ŭ čymści, bo jana zaŭsiody była pobač i zaŭsiody ŭsio vysłuchoŭvała.
Kardaš rehularna sustrakajecca z kiraŭnictvam krainy na nieaficyjnych sustrečach, jeździć za miažu na mižnarodnyja kanfierencyi, maje znosiny z dypłamatami ŭ jakaści karespandenta ahienctva da samaj śmierci svajho patrona.
«Mnie prosta bolš padabajecca rola špijonki pad vyhladam žurnalistki. Heta praŭda. Ja sapraŭdy vielmi dobra ŭmieju zdabyvać infarmacyju», — skazała jana ŭ pierachoplenaj telefonnaj razmovie.
Niaźmienny kiraŭnik infarmacyjnaha ahienctva «Interfaks-Ukraina» Alaksandr Martynienka pamior u 2024 hodzie va ŭzroście 63 hadoŭ.
I nadalej, jak pakazała rasśledavańnie, seks stanie hałoŭnym kozyram biełaruskaj Mata Chary.
Byłoha supracoŭnika kontrraźviedki KDB aryštavali za zdradu dziaržavie9
Kamientary