«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram

Jak paviedamlajecca, u vyniku šmatetapnaj śpiecapieracyi ŭ Kijevie była zatrymanaja dobra zakanśpiravanaja 35‑hadovaja špijonka, jakaja supracoŭničała z KDB Biełarusi jašče z 2015 hoda. 

Pavodle materyjałaŭ spravy, u 2020 hodzie jaje nakiravali ź Minska dla ahienturnaj dziejnaści va Ukrainie. Na toj momant jana ŭžo znachodziłasia ŭ poli zroku SBU, jakaja pastupova fiksavała jaje raźviedvalnuju aktyŭnaść. Tak, u jaje rasparadžeńni akazaŭsia zapis, dzie Ina Kardaš raskazvaje pra svaje ahienturnyja ŭmieńni:

Kardaš: Mnie prosta bolš padychodzić rola raźviedčyka pad prykryćciom žurnalista. Voś heta praŭda. Ja praŭda zdabyvać umieju vielmi dobra infarmacyju.

Kardaš sapraŭdy dziejničała pad prykryćciom žurnalistki i peŭny čas pracavała ŭ jakaści ŭłasnaha karespandenta «112 kanała» Viktara Miedźviedčuka ŭ krainach byłoha SSSR.

Kuratar: Ujavicie, što vy znachodziciesia ŭ doŭhaterminovaj kamandziroŭcy, to štomiesiac, u zaležnaści ad taho, jak i što jość, ja prapanuju vam 3 jeŭra dla pačatku.

Kardaš: 3 tysiačy?

Kuratar: 3 tysiačy jeŭra.

Paśla zakryćcia miedyjaresursaŭ Miedźviedčuka KDB Biełarusi pry kaardynacyi z vyšejšym vajenna-palityčnym kiraŭnictvam krainy nakiravaŭ ahientku va Ukrainu. Kuratar pierakonvaŭ jaje, što rašeńnie ab supracoŭnictvie prymaje asabista Alaksandr Łukašenka.

Kuratar: Praz adnaho čałavieka prymajecca rašeńnie vas pryniać. Samy pieršy čałaviek našaj krainy. To-bok u nas try čałavieki, jakija buduć viedać tolki pra vas. I moža technična navat, kali vy bačyli, to zrazumiejecie, pra što ja kažu. Heta nie kłasika, a mienavita… Mienavita biaśpieka, jakaja z punktu hledžańnia biaśpieki vašaj. Jość i vopyt, jość i padtrymka ad pieršaj asoby naohuł našaj krainy. Tamu što my razmaŭlajem pra takija rečy. Heta naohuł unikalnyja rečy. I pa tvajoj kandydatury pytańnie budzie abmiarkoŭvacca. Hałoŭnaje, kab ja niejak zrazumieŭ, kudy my idziom.

Jašče da pačatku poŭnamaštabnaj vajny Kardaš uładkavałasia ŭ adno ź viadučych ukrainskich ŚMI i vykarystoŭvała hetuju pracu, a taksama kantakty kaleh, kab naładžvać suviazi z ukrainskimi palitykami, vajskoŭcami i zamiežnymi dypłamatami.

Užo padčas poŭnamaštabnaha ŭvarvańnia kuratar zahadaŭ joj vyjechać u adnu z krain ES dla dadatkovaha instruktažu. Miažu jana pierasiakała pad vydumanaj padstavaj miedycynskaha abśledavańnia. Dla suviazi ź biełaruskim śpiecsłužbistam žančyna nabyła novy smartfon z «adnarazovaj» SIM-kartaj, a paśla kantaktu pazbaviłasia ad pryłady.

Kuratar: Skidaj da zavadskich naładaŭ i vypadkova prosta raźbi jaho, usio.

Kardaš: Źniščyć jaho?

Kuratar: Tak, viadoma. Nu navošta. Nu ŭjavi, ty pajedzieš tudy i budzieš z hetaj trubkaj. Tym bolš, ty kažaš, što ŭ ciabie ŭ kvatery, dzie ty pracuješ, vakoł ludziej šmat. Pryjdziecca ad hetaha novaha telefona pazbavicca, raźbić. Ničoha tut strašnaha ŭ hetym niama. Treba — u dva-try razy kampiensujem tabie hrošy. Usio, što treba, addam. Dalej, jak ty zachočaš. My pra hetyja rečy pahavorym.

Padčas instruktažu ahientka atrymała zadańnie źbirać źviestki pra hramadzian Biełarusi i Rasii, jakija dapamahajuć Ukrainie padčas vajny. Akramia taho, joj daručyli ŭstaloŭvać niefarmalnyja kantakty z pradstaŭnikami pasolstva Kitaja va Ukrainie, kab źbirać raźvieddanyja pra dziejnaść kitajskich dypłamataŭ.

Paśla viartańnia ŭ Kijeŭ Kardaš pasprabavała ŭładkavacca ŭ adno sa štabnych padraździaleńniaŭ vajskovaj raźviedki Ukrainy, dzie trapiła pad kantrol słužby ŭłasnaj biaśpieki HUR. Sa svaim kurataram žančyna abmiarkoŭvała, jak prajści palihraf.

Kardaš: I jašče, davajcie tak, ja nie pavinna viedać, bo mnie prachodzić palihraf, ja nie pavinna viedać, z kim ja razmaŭlaju, dobra?

Kuratar: Dobra. Prosta, ty ž razumieješ, buduć pytańni.

Kardaš: Dobra. Mnie ŭsio roŭna, chto tam budzie razmaŭlać, tamu ja nie pavinna viedać. Kali b nie było palihrafa, viadoma, ja chacieła b viedać. Ale mnie prachodzić jaho ŭ najbližejšyja dva tydni, tamu.

Taksama apublikavana videa, na jakim dziaŭčyna raskazvaje, jak jaje navučyli prachodzić palihraf.

«I mnie prosta dobra tym, što ŭ mianie na palcach pot nie vydzialajecca ŭ pryncypie. U mianie adbitki ciažka źniać. To-bok jany maje palcy ciažka praličać. Sercabićcie — jano ŭ mianie słabaje. I ja siabie navučyła ŭžo, jak mnie tłumačyli, jak z palihrafam pracavać… Ja rana ci pozna razumieła, što ŭ mianie budzie palihraf, i voś ja rychtavała siabie da hetaha. Ty prosta na stromnyja pytańni… Ty ŭ hałavie ź imi pracuješ, i nie toje, što pierakonvaješ siabie ŭ advarotnym, bo jano nie spracuje», — kaža jana.

Dziakujučy svoječasovamu vykryćciu, SBU i HUR pačali z Kardaš praciahłuju apieratyŭnuju hulniu, jakaja dazvoliła nie tolki zafiksavać usie jaje dziejańni, ale i praź jaje sistemna dezynfarmavać biełaruskuju śpiecsłužbu.

U pryvatnaści, KDB było naŭmysna nakiravana na atrymańnie i kapiravańnie chłuślivaja «sakretnaja» infarmacyja, jakaja kantralavana raspaŭsiudžvałasia vakoł ahientki. Taksama byli zafiksavanyja sproby padboru asobaŭ dla mahčymaha vierbavańnia ŭ ahienturnuju sietku.

Na jašče adnym videa pryvodzicca razmova ahientki z bajcom USU pry sprobie viarboŭki. Jana śćviardžaje, što pracuje nie z KDB, a «značna vyšej».

Kardaš: Ty chočaš mnie patłumačyć, čałavieku ź dziesiacihadovym vopytam stažu ŭ słužbach, jak heta pracuje? Ty chočaš mianie čamuści pavučyć? Ja dumaju, što nie varta. Tabie było patłumačana, čym, i jak, i što. I ciabie nichto ni da čaho nie prymušaje. Naohuł. Nie chočaš — nie treba. Heta nie KDB. Heta značna vyšej. Nichto bolš mianie ŭ hetym žyćci nie kranie. Asabista dla mianie heta p*ździec jak dobra. Ciabie nichto nie kranie. Heta prosta pad harantyi ŭsialakija, u tym liku maje asabistyja i hetak dalej. Ciabie nichto nie kranie.

Bajec USU: Heta tak nie pracuje.

Kardaš: Heta tak pracuje. *** heta tak pracuje.

Bajec USU: Heta tak nie pracuje. I ty sa svaim dziesiacihadovym stažam pavinna była heta ŭžo zrazumieć.

Paśla zboru poŭnaj dokaznaj bazy SBU sumiesna z HUR Minabarony Ukrainy zatrymała špijonku pablizu miesca jaje pražyvańnia. U jaje kanfiskavali smartfon i dyktafon, na jakija jana zapisvała zakrytuju infarmacyju.

Ciapier joj vystaŭlena padazreńnie pavodle č. 1 art. 114 Kryminalnaha kodeksa Ukrainy (špijanaž). Jana znachodzicca pad vartaj i moža atrymać da 15 hadoŭ pazbaŭleńnia voli z kanfiskacyjaj majomaści. Śpiecapieracyja pravodziłasia pad pracesualnym kiraŭnictvam Ofisa Hienieralnaha prakurora Ukrainy.

• 0
• 0
• 0
• 0
• 0
• 0
• 0
• 0