Ułady Prahi na 25 sakavika ŭźniali bieł-čyrvona-biełyja ściahi
Upravy šerahu pražskich rajonaŭ 25 sakavika ŭźniali biełaruskija nacyjanalnyja bieł-čyrvona-biełyja ściahi z nahody Dnia Voli.
Fota: x.com/OfficeBLRinCZE
«Hetym žestam haradskaja rada vykazała padtrymku demakratyčnaj biełaruskaj apazicyi i jaje baraćbie za svabodu, a taksama salidarnaść z palityčnymi źniavolenymi režymu Łukašenki», — adznačajecca ŭ zajavie administracyi rajona Praha-3.
Adna ź lidarak biełaruskaj dyjaspary ŭ Prazie Kryścina Šyjanok prakamientavała hetu navinu:
«Praha-3 — moj rajon. Tut ža pachavanyja prezidenty i konsuł BNR. Siońnia na budynku miascovaj administracyi — naš ściah!»
Taksama viadoma, što bieł-čyrvona-bieły ściah źjaviŭsia na budynku miascovaj administracyi ŭ rajonie «Praha-7», dzie znachodzicca pasolstva Biełarusi.
Čytajcie taksama:
Prezident Litvy pavinšavaŭ biełarusaŭ z Dniom Voli: «Vaša rašučaść i stojkaść natchniajuć»
U Viarchoŭnaj Radzie Ukrainy pavinšavali biełarusaŭ z Dniom Voli