U Homieli mužčynu adklučyli internet, bo jon lubiŭ jeździć zajcam

32‑hadovy žychar Homiela nazapasiŭ kala tysiačy rubloŭ doŭhu za bieźbiletny prajezd u hramadskim transparcie, bo doŭhi čas ihnaravaŭ nakładzienyja na jaho štrafy, paviedamiła Hałoŭnaje ŭpraŭleńnie justycyi Homielskaha abłvykankama. 

Zdymak ilustracyjny. Fota z sacsietak

U vyniku da pryncypovaha «zajca» ŭžyli prymusovyja miery: abmiežavali dostup da azartnych hulniaŭ, adklučyli mabilnuju suviaź i internet. Mienavita heta prymusiła mužčynu pahasić zapazyčanaść.

U słužbie prymusovaha vykanańnia adznačajuć, što z pačatku hoda ŭžo zaviedziena bolš za tysiaču padobnych spraŭ, i z parušalnikaŭ spahnali dziasiatki tysiač rubloŭ.

Zakonam dajecca 30 dzion, kab apłacić štraf dobraachvotna. Kali hetaha nie zrabić, suma pavialičvajecca za košt dadatkovych vypłat i zboru. Dalej mahčymyja aryšt rachunkaŭ, majomaści i inšyja abmiežavańni.

Kamientary da artykuła