U Hiermanii biełarus jechaŭ u ciahniku biez kvitka i z narkotykami. I ŭvohule jon byŭ u krainie niezakonna
U Hiermanii ŭ ciahniku rehijanalnych linij zatrymali 29‑hadovaha biełarusa, jaki dapuściŭ adrazu niekalki parušeńniaŭ zakanadaŭstva. Pra heta paviedamlaje palicyja ziamli Saksonija-Anhalt, piša sajt «Biełaruś i mir».
Incydent adbyŭsia ŭ čaćvier, 12 sakavika, prykładna ŭ 21:18 viečara. Pravadnik ciahnika Intercity Express, jaki nakiroŭvaŭsia ź Bierlina ŭ Hale, prainfarmavaŭ pravaachoŭnikaŭ pra mužčynu, jaki padčas pravierki nie zmoh pakazać kvitok.
Palicyjanty sustreli sastaŭ na płatformie №6 vakzała ŭ Hale. Bieźbiletnik, jaki vyjšaŭ ź jaho, zaŭvažna niervavaŭsia i pasprabavaŭ schavać ad palicyi niejki pradmiet u rukavie kurtki. Hetym pradmietam akazaŭsia nož.
Paźniej u zatrymanaha taksama znajšli niekalki fłakonaŭ z anabaličnymi steroidami, narkotyki i jašče adzin nož. Asobu mužčyny ŭstanavili pa dakumientach, jakija jon mieŭ pry sabie. Akazałasia, što jamu było admoŭlena va ŭjeździe.
U dačynieńni biełarusa pačali raźbiralnictva pa padazreńni ŭ parušeńni zakona ab lekavych srodkach, zakona ab narkotykach, zakona ab zbroi, kryminalnaha kodeksa i zakona ab znachodžańni na terytoryi krainy.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary