Ci mohuć pasažyra aštrafavać, kali kiroŭca nie zmoh pradać jamu kvitok?
U sacsietkach minčanka paskardziłasia na kiroŭcu adnaho sa staličnych haradskich aŭtobusaŭ, jaki, pa jaje słovach, admoviŭsia pradać joj kvitok, spasyłajučysia na adsutnaść rešty z kupiury ŭ 100 rubloŭ. Ahienctva «Minsk-Naviny» z hetaj nahody raspytała pres-sakratarku pradpryjemstva «Minsktrans» Alenu Hramyka, ci traktujecca ŭ takim vypadku pasažyr jak bieźbiletny.
«U metach jakasnaha absłuhoŭvańnia pasažyraŭ padčas pracy na linii kiroŭca pavinien pry sabie mieć kvitki na prajezd i raźmiennyja hrošy. Jon nie moža admović pasažyru ŭ prodažy kvitka, — skazała Alena Hramyka. — Adnak mohuć zdarycca situacyi, kali kiroŭca vymušany budzie heta zrabić praz adsutnaść rešty. Z bujnoj kupiuraj moža akazacca nie adzin, a niekalki pasažyraŭ».
Pres-sakratarka «Minsktransa» asabliva padkreśliła, što takaja situacyja nie źjaŭlajecca ŭvažlivaj pryčynaj pry praviercy apłaty prajezdu i nie vyzvalaje pasažyra ad mahčymych štrafnych sankcyj.
U minskich aŭtobusach, darečy, možna znajści abjavy, u jakich pasažyraŭ prosiać raspłačvacca kupiurami naminałam nie bolš za 5 rubloŭ.
Prajazny na dva vidy hramadskaha transpartu Minska ciapier kaštuje 114 rubloŭ, a prajazny na 5 vidaŭ — 98 rubloŭ
U staličnym hramadskim transparcie ŭviaduć apłatu bankaŭskaj kartaj
Ułady nazvali sabiekošt pajezdki ŭ hramadskim transparcie Minska
U Minsku źjaviacca novyja prajaznyja na hramadski transpart. U čym ich asablivaść?
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary